Քնած նիստ. Բաքվում Գիտությունների ակադեմիայի նախագահության նիստում քննարկման ժամանակ մասնակիցները նիրհում են. ԼՈՒՍԱՆԿԱՐՆԵՐ

Սոցցանցերի ադրբեջանական տիրույթում քննարկման կենտրոնում է հայտնվել նախօրեին կայացած Ադրբեջանի Գիտությունների ազգային ակադեմիայի  նախագահության  հերթական նիստը: Միջոցառումը ուշադրություն է գրավել ոչ թե գիտական զեկույցներով, այլ լուսանկարներով, որոնցում մի շարք գիտնականներ քնած են:

Հաղորդվում է, որ  նիստի օրակարգում ներառված էր երկու հարց՝ կառույցի նախկին ղեկավար Ռամիզ Մեհդիևի հեռացումը  անդամությունից և նրա տարեկան զեկույցի լսումը։  Նշվում է, որ հանդիպմանը  մասնակցում էին ակադեմիայի նախագահության անդամներ, գիտական ​​հաստատությունների ղեկավարներ և տարբեր պետական ​​մարմինների պաշտոնյաներ:

Ըստ ադրբեջանական  լրատվամիջոցների՝ հետաքրքիր էր նիստի ընթացքում դահլիճում տիրող լռությունը։ Գիտական ​​թեմաների քննարկման ժամանակ որոշ մասնակիցներ, այդ թվում՝ գիտնականներ, քնած են եղել։

Հրապարակված լուսանկարներից մեկում պատկերված փիլիսոփայության դոկտոր, պրոֆեսոր, գրականագետ Գազանֆար Փաշաևը  հարցազրույցում նշել է, որ միջոցառման ժամանակ չի քնել, այլ ուշադիր լսել է ելույթ ունեցողներին։ Սակայն լուսանկարում նրա աչքերը փակ են եղել.

«Չեմ կարողանում հավատալ, որ նրանք կարող էին սա անել մի մարդու հետ, ով ծառայում է և՛ պետությանը, և՛ ժողովրդին։ Մի կողմից լույս է պահել աչքերիս մեջ, մյուս կողմից՝ նկարահանել։ Ես չէի հասկանում, թե ինչ էր կատարվում։ Կարո՞ղ է մարդը քնել ձեռքերը այդ դիրքով։ Երբ նա քնած է, ձեռքերը կախ են։ Այս անամոթ մարդը լույս գցեց աչքերիս մեջ և նկարահանեց դա։ Յագուբ Մախմուդովը գիտնական է, ով բարձր է գնահատում իմ աշխատանքը. ինչպե՞ս կարող եմ քնել նրա առջև։ Միջոցառումը շատ հետաքրքիր էր ինձ համար, և ծրագիրը բավականին կարճ էր»,-ասել է նա։

Թարգմանությունը՝ Էմմա Չոբանյանի