28.10.2026 | 15:02
Երևանում երկու հեծանիվ գողանալու կասկածանքով 45-ամյա տղամարդ է հայտնաբերվել
Յոհանես Կլեբոն՝ 10-ակի օլիմպիական չեմպիոն
18.02.2026 | 16:11
Նորվեգացի դահուկավազորդ Յոհանես Կլեբոն դարձավ 10-ակի օլիմպիական չեմպիոն՝ թարմացնելով սեփական ռեկորդը։
Իտալական Միլանում և Կորտինա դ’Ամպեցոյում ընթացող 25-րդ ձմեռային Օլիմպիական խաղերում 29-ամյա Կլեբոն փետրվարի 18-ին ոսկե մեդալակիր դարձավ թիմային սպրինտում՝ Էյնար Հեդեգարտի հետ գրանցելով 18 րոպե 28,98 վայրկյան արդյունք։ Երկրորդ տեղը գրավեց ԱՄՆ-ի թիմը (+1,37), բրոնզե մեդալին արժանացան իտալացիները (+3,31)։
Այս խաղերում Յոհանես Կլեբոն մասնակցեց 5-րդ մրցմանը և նվաճեց 5-րդ ոսկե մեդալը։ Այժմ նորվեգացին 5-ական ոսկե մեդալ ունի անհատական ու թիմային պայքարում։
Ձմեռային Օլիմպիական խաղերում տիտղոսների քանակով Յոհանես Կլեբոյին հաջորդում են նորվեգացի բիատլոնիստ Ուլե-Էյնար Բյորնդալենը, նորվեգացի դահուկավազորդներ Բյորն Դելին ու Մարիտ Բյորգենը, որոնք նվաճել են 8-ական ոսկե մեդալ։
Յոհանես Կլեբոն նաև դարձավ երկրորդ ամենատիտղոսակիր օլիմպիականը պատմության մեջ։ Օլիմպիական ոսկե մեդալների քանակով նա զիջում է միայն ամերիկացի լեգենդար լողորդ Մայքլ Ֆելպսին, որը Օլիպիական խաղերի 23-ակի չեմպիոն է։
