19.08.2026 | 14:13
4-րդ հանրապետության ճարտարապետը Թուրքիան է, իսկ կոնստրուկտորը՝ Ադրբեջանը․ Իշխան Սաղաթելյան․ ՏԵՍԱՆՅՈՒԹ
«Աշխարհի ամենաուժեղ կին» մրցույթի հաղթողը կենսաբանական տղամարդ է եղել
26.11.2025 | 21:43
Կենսաբանական տղամարդը զրկվել է «Աշխարհի ամենաուժեղ կին» տիտղոսից, հաղորդում է NY Post-ը։
28-ամյա Ջեյմի Բուկերն օրեր առաջ հաղթել էր Strongman Games-ի կանանց մրցույթում, որը անցկացվում էր ԱՄՆ Տեխաս նահանգի Արլինգտոն քաղաքում։ Երկրորդ տեղը զբաղեցրել էր Մեծ Բրիտանիան ներկայացնող 43-ամյա Անդրիա Թոմփսոնը։ Կազմակերպիչները, մրցույթի ավարտից հետո տեղեկանալով, որ Բուկերը կենսաբանական տղամարդ է, որակազրկել են նրան։
«Պարզվում է՝ մարզիկը, որը կենսաբանական տղամարդ է, իսկ այժմ ինքն իրեն նույնականացնում է որպես կին, հանդես է եկել կանանց պայքարում։ Strongman-ի կազմակերպիչները մինչև մրցույթի սկիզբը այդ փաստի մասին տեղեկացված չեն եղել, և երբ մեզ հայտնել են այդ մասին, մենք անմիջապես սկսեցինք քննությունը։ Փորձեցինք կապ հաստատել մասնակցի հետ, սակայն պատասխան չստացվեց։ Եթե մենք տեղեկացված լինեինք այդ մրցույթի մեկնարկից առաջ կամ դրա ընթացքում, մարզիկին չէր թույլատրվի մասնակցել կանանց մրցմանը։ Մասնակիցները կարող են մրցել միայն այն կատեգորիայում, որը համապատասխանում է ծննդյան պահին նշված կենսաբանական սեռին»,- ասված է մրցաշարի պաշտոնական հայտարարության մեջ։
