26.04.2026 | 17:56
Վարազդատ Լալայանը Հայաստանի երրորդ ոսկե մեդալը նվաճեց ծանրամարտի ԵԱ-ում
Ֆրանսիայի ԱԺ մի խումբ պատգամավորներ պատրաստվում են այցելել Արցախի գրավյալ տարածքներ
Քաղաքականություն
16.07.2021 | 18:38
Ֆրանսիայի Ազգային ժողովի Ֆրանսիա-Ադրբեջան բարեկամական խմբի ղեկավար, պատգամավոր Ժան Լյուկ Ռեիցերը նամակ է ուղարկել Ադրբեջանի Միլի Մեջլիսի Ֆրանսիայի ու Ադրբեջանի միջխորհրդարանական կապերի հանձնաժողովի աշխատանքային խմբի ղեկավար Սոլթան Մամեդովին։
Ադրբեջանական լրատվամիջոցների հաղորդմամբ՝ նամակում նշվում է, թե «Ֆրանսիայի խորհրդարանի մի խումբ պատգամավորների հայամետ դիրքորոշումը չի արտահայտում Ադրբեջանի նկատմամբ ֆրանսիացի ժողովրդի վերաբերմունքը»։
Ռեիցերը նշել է, որ միշտ սատարել է «Ադրբեջանի արդար դիրքորոշումը, իսկ իր մի շարք գործընկերներ, ընկնելով հայկական համայնքի ազդեցության տակ, զբաղեցնում են հակառակ դիրքորոշում»։
Բացի այդ, Ֆրանսիայի խորհրդարանի պատվիրակություն է ձևավորվել, որն այցելելու է Ադրբեջան։ Այցի ծրագրի շրջանակում նախատեսվում է նրանց այցը Արցախի գրավյալ տարածքներ։
Էմմա Չոբանյան
