27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՊԵԿ-ի պարգևավճարները շատացել են ու դարձել 5,8 միլիարդ. Դավիթ Անանյան. ՏԵՍԱՆՅՈՒԹ
Տնտեսություն
04.11.2019 | 15:03
2020 թվականի բյուջեի նախագծով առաջարկվում է պարգևատրումների ֆոնդը սահմանել 5.8 մլրդ դրամ: ԱԺ-ում լրագրողների հետ ճեպազրույցում ասաց ՊԵԿ նախագահ Դավիթ Անանյանը:
«Նախորդը շուրջ 5 մլրդ էր»,- ասաց նա՝ նշելով, որ պարգևատրումների հարցում շեշտը դրվելու են ստորին օղակների վրա:
Ըստ նրա՝ արժանապատիվ եկամուտն այն գումարի չափն է, որը անձին կոռուպցիոն քայլերի գնալուց հետ կպահի: «Արժանապատիվ եկամուտը դա այն գումարն է, որի արդյունքում միջին վիճակագրական արժեքային համակարգ ունեցող անձը կոռուպցիոն ռիսկերի չի գնա: Ես վախենում եմ, որ հասարակության մոտ բարձր եկամուտ ստացող անձի նկատմամբ ձևավորվում է բացասական կարծիք՝ անկախ նրանից՝ անձը պետական ծառայո՞ղ է, թե՞ ոչ: Այստեղ հասարակության հետ զրույց անելու անհրաժեշտություն կա»,- ընդգծեց Անանյանը:
Նրա խոսքով՝ շատ դեպքերում, եթե մարդը գնում է աշխատանքի ընդունվելու, ոչ թե նայում է, թե այդ աշխատանքի դիմաց միջինում շուկայում ինչ աշխատավարձ է ձևավորված, այլ իր ծախսերի հանրագումարը փորձում է աշխատավարձի տեսքով վերցնել:
Դավիթ Անանյանը նաև ասաց, որ մինչև պետական ծառայության անցնելն այսօրվա վաստակածից մի քանի անգամ ավելի եկամուտ է ունեցել, պետական ծառայությունից հետո էլ, վստահաբար, ունենալու է մի քանի անգամ ավելի եկամուտ:
Մանրամասները՝ տեսանյութում:
Նարեկ Կիրակոսյան
