Հասարակություն
08.12.2025 | 18:25
Գեղարքունիքի մարզի Կարմիրգյուղ բնակավայրի 38-ամյա բնակչի և նրա 14-ամյա որդու ծեծի փաստով Քննչական կոմիտեում քրեական վարույթ է նախաձեռնվել։ Այս մասին Factor.am-ի հարցմանն ի պատասխան հայտնում են ՔԿ լրատվության վարչությունից։
«Քրեական վարույթը նախաձեռնվել է Քրեական օրենսգրքի 195-րդ հոդվածի 2-րդ մասի 3-րդ և 5-րդ կետերով (ֆիզիկական ներգործությունը՝ անչափահասի նկատմամբ, մի խումբ անձանց կողմից) և 167-րդ հոդվածի 2-րդ մասի 7-րդ կետով (մի խումբ անձանց կողմից առողջությանը միջին ծանրության վնաս պատճառելը)»,- փոխանցեցին կոմիտեից։
Հիշեցնենք, որ դեկտեմբերի 5-ին հիվանդանոցից հաղորդում է ստացվել, որ «ստորին ծնոտի կոտրվածք» ախտորոշմամբ բուժօգնության է դիմել Գեղարքունիքի մարզի Կարմիրգյուղ բնակավայրի 38-ամյա բնակիչ։ Այս մասին Factor.am-ին հայտնեցին ՆԳՆ ոստիկանության լրատվական ծառայությունից։ Ոստիկանությունից փոխանցել են՝ քաղաքացին հայտնել է, որ վնասվածքը ստացել է համագյուղացու կողմից հարված ստանալու հետևանքով:
Անի Թամրազյան
