05.04.2026 | 21:04
Թրամփը կրկին սպառնում է հարվածներ հասցնել Իրանի էլեկտրակայաններին և կամուրջներին
Անչափահասները ծեծել են 38-ամյա տղամարդուն․ նա ծնոտի կոտրվածք է ստացել
Հասարակություն
08.12.2025 | 13:43
Դեկտեմբերի 5-ին հիվանդանոցից հաղորդում է ստացվել, որ «ստորին ծնոտի կոտրվածք» ախտորոշմամբ բուժօգնության է դիմել Գեղարքունիքի մարզի Կարմիրգյուղ բնակավայրի 38-ամյա բնակիչ։ Այս մասին Factor.am-ին հայտնեցին ՆԳՆ ոստիկանության լրատվական ծառայությունից։
Ըստ հաղորդագրության՝ քաղաքացին հայտնել է, որ վնասվածքը ստացել է համագյուղացու կողմից հարված ստանալու հետևանքով:
«Նույն օրը նա հաղորդում է տվել, որ դեկտեմբերի 4-ին ժամը 12.30-ի սահմաններում Կարմիրգյուղ բնակավայրում 17 և 14-ամյա համագյուղացիները կենցաղային հարցերի շուրջ ծագած վիճաբանության ժամանակ, բազմաթիվ հարվածներ են հասցրել իր մարմնի տարբեր հատվածներին՝ պատճառել վնասվածք, հարվածներ են հասցրել նաև իր 14-ամյա որդուն»։
Անի Թամրազյան
