30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Ռուբեն Վարդանյանը Բաքվի դատարանին որոշ փաստաթղթերի ծանոթանալու միջնորդություն է ներկայացրել
Քաղաքականություն
08.12.2025 | 22:54
Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստում «տուժողների» ցուցմունքներ են լսվել։
Ադրբեջանական լրատվամիջոցները հայտնում են, որ, մասնավորապես, «տուժող» Նուրան Գասիմովը նշել է, թե Լաչինում իրենց տարածքի վրա «հակառակորդի հարձակման ժամանակ ոտքից վիրավորվել է»: Պետական մեղադրող Վյուսալ Աբդուլլաևի հարցերին պատասխանելով՝ նա ասել է, թե միջադեպի ժամանակ վիրավորվել են նաև այլ անձինք:
Ցուցմունքների ներկայացման ժամանակ Ռուբեն Վարդանյանը միջնորդություն է ներկայացրել՝ ծանոթանալ քրեական գործին վերաբերող որոշակի փաստաթղթերի, այդ թվում՝ հարցաքննության թղթերին։ Վարդանյանի փաստաբան Էմիլ Բաբիշևը դատարանին խնդրել է բավարարել միջնորդությունը։
Գլխավոր դատախազի ավագ օգնական Վուսալ Ալիևը, մեկնաբանելով միջնորդությունը, նշել է, որ մեղադրանքի կողմը չի առարկում, որ «փաստաբանն ու մեղադրյալը կարողանան ծանոթանալ փաստաթղթերին»։
Նախագահող դատավոր Զեյնալ Աղաևը նույնպես նշել է, որ փաստաբանը կարող է այս շաբաթվա ընթացքում ծանոթանալ փաստաթղթերին, և որ դրա համար կստեղծվեն անհրաժեշտ պայմաններ։
Հաջորդ դատական նիստը նշանակվել է դեկտեմբերի 9-ին։
Թարգմանությունը՝ Էմմա Չոբանյանի
