31.10.2026 | 22:55
Հայտնաբերվել է զինծառայողի դի. ՊՆ
Քոնոր Մաքգրեգորը ցանկանում է մենամարտել Իսլամ Մախաչևի հետ
08.12.2025 | 21:27
UFC-ի 2 քաշային կարգերում նախկին չեմպիոն Քոնոր Մաքգրեգորը պատմել է առաջիկա ծրագրերի մասին։ Իռլանդացի մարտիկը պատրաստվում է կարիերան վերսկսելուն ու ամռանը Սպիտակ տանը կայանալիք UFC-ի մրցաշարին։
«Սպիտակ տան հարցով փետրվարին կսկսենք բանակցել UFC-ի հետ։ Ես մարզվում եմ օրական 2 անգամ ու վերադառնում լավ մարզավիճակի։
Իսլամ Մախաչևի հետ մենամարտելու միտքն առանձնապես չի մոտիվացնում ինձ։ Ես ինքս եմ ինձ մոտիվացնում։ Սակայն ես միանշանակ կցանկանայի մենամարտել կիսամիջին քաշային կարգում նրա գոտու համար։ Այդ ժամանակ ես կդառնամ եռակի չեմպիոն։
Մախաչևի դեմ հրաշալի մենամարտ կլինի։ 2 ձախլիկ մարտիկներ՝ իրար դեմ։ Մախաչևն ունեցել է խիզախություն բարձրանալու այլ դիվիզիոն։ Ինձ համար հետաքրքիր է, թե ինչպես կդասավորվի ամեն բան։ Պետք է վերադառնալ մրցապայքար»,- Մաքգրեգորի խոսքը մեջբերում է Bloody Elbow-ը։
37-ամյա Մաքգրեգորը նախորդ մենամարտն անցկացրել է 2021 թվականի ամռանը, երբ ծանր վնասվածք էր ստացել ամերիկացի Դասթին Պորյեի հետ մրցելիս։ Խառը մենամարտերում իռլանդացին մասնակցել է 28 հանդիպման, տարել 22 հաղթանակ և կրել 6 պարտություն:
