ԱԺ նախկին պատգամավոր Գևորգ Պետրոսյանը քննիչի որոշմամբ ձերբակալումից ազատ է արձակվել։ Այս մասին ֆեյսբուքյան իր էջում գրել է փաստաբան Րաֆֆի Ասլանյանը։ Ավելի վաղ հայտնել էինք, որ ՀՀ ԱԺ նախկին պատգամավոր Գեւորգ Պետրոսյանը ձերբակալվել է: ՀՀ ներքին գործերի նախարարության ոստիկանությունը մանրամասներ էր հայտնել Գևորգ Պետրոսյանի ձերբակալման պատճառների մասին: Հաղորդագրության մեջ ասվում էր. «Մարտի 11-ին՝ ժամը 21:00-ի, …

ԱԺ պետաիրավական հարցերի մշտական հանձնաժողովի օրակարգ է ընդգրկվել Սահմանադրական դատարանի դատավոր Սեդա Սաֆարյանի լիազորությունները դադարեցնելու հարցով Սահմանադրական դատարան դիմելու մասին նախագիծը։ Նախագիծը հեղինակել է ԱԺ «Հայաստան» խմբակցությունը։ Ընդդիմադիր խմբակցությունը նման նախագիծ ներկայացնելու հիմքում դրել է Արթուր Վանեցյանի ղեկավարած «Հայրենիք» կուսակցության նախկին անդամներ, այժմ փաստաբանական գործունեություն ծավալող Արսեն Բաբայանի և Սոս Հակոբյանի կողմից ներկայացված ենթադրյալ խախտումները։ …

Ադրբեջանում «իրանցի գործակալների» ձերբակալման հերթական գործողությունն են իրականացրել։ Ինչպես հաղորդում են տեղական ԶԼՄ-ները, այսօր Ադրբեջանի հատուկ ծառայությունները ձերբակալել են մի քանի «իրանցի լրտեսների»: Նշվում է, որ «իրանական լրտեսական ցանցերի» բացահայտման գործողությունները շարունակվում են: Վերջին մի քանի օրերի ընթացքում «Իրանի օգտին լրտեսության» կասկածանքով ադրբեջանական հատուկ ծառայությունները ձերբակալել են 39 մարդու:

Team Telecom Armenia-ից տեղեկացնում են, որ ինտերնետ հասանելիությունն ամբողջովին վերականգնված է: Ընկերությունը հայցում է սպառողների ներողամտությունը: Ավելի վաղ ընկերությունից հայտնել էին, որ միջազգային կապուղիներում տեղի ունեցած երկու խոշոր վթարների պատճառով կա ինտերնետ հասանելիության սահմանափակում։

ԿԳՄՍ նախարարությունը պատասխանել է հարցին՝ աուր վարակիչ հիվանդությունների աճով պայմանավորված՝ հնարավո՞ր է, որ դպրոցականների գարնանային արձակուրդը մեկնարկի ավելի շուտ: «Սուր վարակիչ հիվանդությունների աճի և համաճարակային իրավիճակի առկայության դեպքում ՀՀ դպրոցներում կանխարգելիչ միջոցառումները նախաձեռնվում և իրականացվում են՝ համաձայն ՀՀ առողջապահության նախարարության ցուցումների: Արձակուրդ ևս կարող է սահմանվել Առողջապահության նախարարության համապատասխան միջնորդության առկայության դեպքում: Համաճարակային իրավիճակի հետագա …

Մարտի 12-ին, ժամը 14:00-ին Ճգնաժամային կառավարման ազգային կենտրոն տեղեկություն է ստացվել, որ Արարատի մարզի Հովտաշատ գյուղի 3-րդ փողոցում այրվում է չբնակեցված վագոն-տնակ: Ինչպես տեղեկացնում են Փրկարար ծառայությունից, աեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհը մեկուսացվել է ժամը 14։41-ին, մարվել՝ 15։24-ին։ Այրվել է վագոն-տնակը (15 քմ):

Factor TV-ի A-politic հաղորդաշարի հյուրն է Լեզվի կոմիտեի նախագահ Դավիթ Գյուրջինյանը։ Նրա կարծիքով՝ մարդը կարող է գրաճանաչ լինել և նույնիսկ գրագետ, բայց չկարողանա հասկանալի լեզվով շարադրել իր մտքերը: Գրագիտությունը, այդպիսով, ունի իր աստիճանները: Որոշակի աստիճանի մարդուն պետք է հասցնի դպրոցը: Սակայն հաճախ ուսուցիչները պատրաստվածության նման մակարդակ չունեն: Այս համատեքստում անդրադառնալով մանկավարժական բուհերի խնդրին՝ լեզվաբանը նշում …

Մարտի 12-ին, ժամը 15։14-ին Ճգնաժամային կառավարման ազգային կենտրոն ահազանգ է ստացվել, որ Լենինգրադյան փողոցից դեպի «Դալմա գարդեն մոլ» տանող ավտոճանապարհին տեղի է ունեցել ՃՏՊ․ առկա է վառելիքի արտահոսք։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։ Ինչպես տեղեկացնում են Փրկարար ծառայությունից, պարզվել է, որ Ծիծեռնակաբերդի խճուղում բախվել են …

Թուրքիայում երկրաշարժերի զոհերի թիվը հասել է 48 հազարի, վիրավորների թիվը գերազանցել է 115 հազարը։ Այս մասին հայտնել է Թուրքիայի նախագահ Ռեջեփ Էրդողանը։ Հիշեցնենք՝ փետրվարի 6-ին Թուրքիայի հարավ-արևելքում գտնվող Քահրամանմարաշ նահանգում 7,7 և 7,6 մագնիտուդով երկրաշարժեր են տեղի ունեցել: Ստորգետնյա ցնցումները, որոնց հաջորդել են հարյուրավոր հետցնցումներ, զգացվել են երկրի 10 նահանգներում և հարևան պետություններում, որոնցից ամենից …

Ընթանում են Հայաստանի Մ24 տարեկանների առաջնության 2023թ. մրցաշրջանի հանդիպումները: Կայացած մրցավեճում ԲԿՄԱ-ն 129-46 հաշվով առավելության է հասել «Գոլդեն Իգլս» ակումբի նկատմամբ: Ինչպես տեղեկացնում են Բասկետբոլի ֆեդերացիայից, հանդիպման ամենաարդյունավետ բասկետբոլիստը Սամվել Գևորգյանն էր (ԲԿՄԱ)՝ վաստակած 23 միավորով: Նա նաև 6 անգամ տիրել է օղակից անդրադարձող գնդակին և կատարել 1 արդյունավետ փոխանցում: