08.12.2025 | 13:11
Վերաքննիչ դատարանում Միքայել արքեպիսկոպոս Աջապահյանի գործով առաջին նիստը կգումարվի
Արտագաղթ-2023․ ՀՀ անձնագրով քանի քաղաքացի է հեռացել երկրից և չի վերադարձել․ ՏԵՍԱՆՅՈՒԹ
Հասարակություն
06.02.2024 | 19:23
2023 թ-ին Հայաստանից ավելի շատ ՀՀ քաղաքացի է մեկնել, քան՝ ժամանել։ Վիճակագրական կոմիտեն ամփոփել է ՀՀ սահմանահատումների տարեկան ցուցանիշը, ըստ որի՝ մեր երկրից ՀՀ անձնագրով մեկնել է 2 մլն 8 հազար 647 քաղաքացի, ժամանել՝ 1 մլն 972 հազար 135 քաղաքացի։ Բացասական հաշվեկշիռը 36 հազար 512 է։ Այսինքն՝ ՀՀ անձնագիր ունեցող այդքան քաղաքացի լքել է երկիրը և դեռևս չի վերադարձել։
Հատկանշանական է, որ պաշտոնյաները հորդորում են սա արտագաղթ չորակել, քանի որ հնարավոր է՝ մեր հայրենակիցները ժամանակավոր են բացակայում հայրենիքից։ Այդուհանդերձ, մեկնող և չվերադարձողների թիվը 10 տարվա կտրվածքով 291 հազար 327 մարդ է։ Այս ընթացքում միայն 2020 թ-ին է ժամանողների թիվը գերազանցել մեկնողներինը՝ 42 հազար 786 մարդով։
Նշենք, որ հանրապետություն մուտք-ելքի ժամանակ ՀՀ փաստաթղթերով են հաշվառվում նաև Արցախի քաղաքացիները։
Գայանե Խաչատրյան
