ՀՀ նախագահի աշխատակազմից տեղեկացնում են, որ հանրապետության նախագահ Արմեն Սարգսյանն այսօր ընդունել է ֆրանսիական առաջատար ընկերություններից մեկի՝ «Վեոլիա» ընկերության Կենտրոնական և Արևելյան Եվրոպայի երկրների գծով գործադիր փոխնախագահ Մալիկա Գենդուրիին: Նա Հանրապետության նախագահին տեղեկացրել է Հայաստանում «Վեոլիա» ընկերության գործունեության ու ծրագրերի մասին:

Կենտրոնական ընտրական հանձնաժողովից տեղեկացնում են, որ ԿԸՀ-ն այսօր նիստ կգումարի: Օրակարգում  ներառված է 4 հարց:

ՀՀ ԿԳՆ-ից տեղեկացնում են, որ Երևանի Ն. Աճեմյանի անվան թիվ 2 տարածաշրջանային քոլեջում ուսումնական գործընթացն ամբողջությամբ վերականգնված է: «ՀՀ ԿԳ նախարարության կողմից քոլեջին տրված է հանձնարարություն` դասացուցակում կատարել փոփոխություններ և նախորդ օրերի բացթողնված դասերը լրացնել հավելյալ դասընթացներով»,- ասված է հաղորդագրությունում:    

ՀԱՊԿ գլխավոր քարտուղարի պաշտոնում Բելառուսի թեկնածուի համաձայնեցման համար անհրաժեշտ բոլոր փաստաթղթերն ուղարկվել են կազմակերպության անդամ պետություններին: ՏԱՍՍ-ին այս մասին ասել է ՀԱՊԿ գլխավոր քարտուղարի պաշտոնակատար Վալերի Սեմերիկովը: «Բելառուսի ներկայացրած թեկնածուի համաձայնեցման համար անհրաժեշտ բոլոր փաստաթղթերը դեռևս 2018 թվականի դեկտեմբերին ուղարկվել են ՀԱՊԿ անդամ երկրներին»,- ասել է նա: Սեմերիկովի խոսքով՝ քանի որ թեկնածուի համաձայնեցման և որոշումների …

ԱՄՆ նախագահ Դոնալդ Թրամփը չի բացառել Վենեսուելա ռազմական ներխուժման հնարավորությունը, հաղորդում է RT-ն: «Բոլոր հնարավորությունները բաց են»,- լրագրողներին ասել է Սպիտակ տան ղեկավարը: Նախօրեին Վենեսուելայի ընդդիմության առաջնորդ Խուան Գուայդոյի ներկայացուցիչները գրավել էին ԱՄՆ-ում այդ երկրի դիվանագիտական ներկայացուցչությունների շենքերը: Կարակասում ընդգծել են, որ Գուայդոյի կողմնակիցները «գործում են ինչպես Միացյալ Նահանգների գործակալներ»: Փորձագետներն իրենց հերթին վստահ են, …

Խաղաղության կորպուսի հայաստանյան գրասենյակից տեղեկացնում են, որ նախորդ գիշեր Հայաստան է ժամանել Ամերիկայի միացյալ նահանգների Խաղաղության կորպուսի կամավորների 37 հոգուց բաղկացած նոր խումբը: «Հայաստան ժամանած բոլոր կամավորները Ամերիկայի միացյալ նահանգների քաղաքացիներ են, որոնք որոշում են կայացրել իրենց կյանքի երկու տարիներն անցկացնել Հայաստանում և ծառայել հայ ժողովրդին: Կամավորները կապրեն Հայաստանի տարբեր մարզերի գյուղերում և քաղաքներում, կդասավանդեն …

ԱԺ-ում գրավատներին և տարադրամի փոխանակման կետերին վերաբերող աշխատանքային քննարկմանը ներկա տնտեսվարողները նշեցին, որ պետական տուրքի այդպիսի բարձր չափ սահմանելու դեպքում գրավատները պարզապես կփակվեն, քանի որ ի վիճակի չեն լինելու վճարել այդ գումարները: Արժութային դիլերների միության նախագահ Արամայիս Խաչատրյանը նշեց, որ նման դեպքում փոխանակման կետերը չեն կարող համարժեք մրցակցել բանկերի հետ: Հիշեցնենք, որ շրջանառության մեջ է …

Արցախի ԱԳ նախարար Մասիս Մայիլյանը իր տեսակետը հայտնել է որպես Արցախի ներկայացուցիչ: Մարտի 20-ին տեղի ունեցած ճեպազրույցում այս մասին ասաց ՀՀ ԱԳՆ խոսնակ Աննա Նաղդալյանը՝ անդրադառնալով Մադրիդյան սկզբունքների վերաբերյալ Մասիս Մայիլյանի հայտարարության մասին հարցին: «Արցախն ինքնուրույն քաղաքական միավոր է, որն ունի իր կողմից ընտրված իշխանությունը, ունի իր տեսակետը, և նա արտահայտել է իր կարծիքը որպես …

Արցախի Հանրապետության նախագահի աշխատակազմից տեղեկացնում են, որ նախագահ Բակո Սահակյանը մարտի 20-ին ընդունել է Հայաստանի Հանրապետության զինված ուժերի գլխավոր շտաբի պետ Արտակ Դավթյանին: «Հանդիպմանը, որին մասնակցում էր ԱՀ պաշտպանության նախարար Կարեն Աբրահամյանը, քննարկվել են բանակաշինությանը եւ այդ ոլորտում հայկական երկու հանրապետությունների համագործակցությանը վերաբերող մի շարք հարցեր»,- ասված է հաղորդագրությունում:

ՊՊԾ գնդի գրավման գործով այսօրվա դատական նիստին շարունակվեց տուժողների հարցաքննությունը։ Ոստիկանության ծառայակից Փայլակ Մնացականյանը հայտնեց, որ Սարի թաղում հրազենային վնասվածք է ստացել։ Վերջինս, սակայն, ասաց, որ տեղյակ չէ, թե ով է եղել իրեն կրակողը․ «Ենթադրաբար կարող եմ ասել, որ կրակոցի ձայն եկել է գնդի տարածքից, բայց հստակ ասել չեմ կարող»։ Տուժողի հարցաքննությունից հետո Արմեն Բիլյանը …