20.01.2026 | 18:10
Հայաստանի և Ադրբեջանի համատեղ ջանքերով կհասնենք հավերժական խաղաղության Կովկասում. սա է մեր նպատակը. Ալիև
Կա ֆորսմաժորային իրավիճակ․ չի բացառվում 2-րդ փուլում չկարողանանք դիտորդություն անել․ Իոաննիսյան. ՏԵՍԱՆՅՈՒԹ
Հասարակություն
01.04.2020 | 16:34
Արցախի ընտրություններում մարտի 31-ին դիտորդական առաքելություն իրականացրած «Իրազեկ քաղաքացիների միավորում» կազմակերպությունն առայժմ որոշում չունի՝ ընտրությունների երկրորդ փուլում դիտորդություն կիրականացնի՞, թե՞ ոչ։ Այս մասին հայտնեց կազմակերպության ծրագրերի համակարգող Դանիել Իոաննիսյանը Արցախում կազմակերպված մամուլի ասուլիսի ժամանակ։
«Կա ֆորսմաժորային իրավիճակ, Հայաստանում արտակարգ դրություն է հայտարարված, կարանտին է, որը օր օրի, հասկանալի պատճառներով, խստացվում է։ Մեզ համար արդեն մարտի 31-ին դիտորդություն իրականացնելը դժվար էր, նաև կազմակերպչական առումով՝ շատ դիտորդներ ուղղակի հրաժարվում էին և չէին գալիս։ Բոլոր դիտորդներն անցան կորոնավիրուսի թեստ, ինչը թե՛ ծանրաբեռնվածություն է դիտորդական առաքելության վրա, թե՛ առողջապահական համակարգի վրա, ամեն դեպքում՝ քանի հոգու թեստավորում կազմակերպելն էլ հեշտ չէ։ Մենք այս հարցը պետք է քննարկենք, և դրա հետ կապված չունենք լիարժեք լուծում։ Կայացած ընտրություններին դիտորդություն անել-չանելը թիմում լուրջ, ծանր քննարկումների առարկա էր դարձել, 2-րդ փուլի համար առայժմ որոշում չունենք»,- նշեց նա։
Մանրամասները՝ տեսանյութում:
