ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան գրառմամբ տեղեկացնում է, որ ռազմագերիների վերադարձի հարցով ելույթ է ունեցել շատ կարևոր հարթակում: «Եվրոպական պառլամենտում «Նորացնելով Եվրոպան» (Renew Europe) խմբակցության նախաձեռնությամբ՝ փետրվարի 04-ին տեղի է ունեցել առցանց կոնֆերանս՝ նվիրված Արևելյան գործընկերության երկրների և ԵՄ-ի հետ շահավետ համագործակցության զարգացման հեռանկարների քննարկմանը։ Հանդիպմանը մասնակցություն են ունեցել Եվրամիության արտաքին …

ԱԺ ֆինանսավարկային և բյուջետային մշտական հանձնաժողովի նիստում քննարկվում է բանկային ավանդների ներգրավման մասին օրենքում փոփոխություններ կատարելու մասին նախագիծը: «Քննարկվող օրենքը պաշտպանում է սպառողի շահերը»,- ասաց նախագծի հեղինակ, «Իմ քայլը» խմբակցության պատգամավոր Արտակ Մանուկյանը՝ հակադարձելով ԲՀԿ խմբակցության պատգամավոր Սերգեյ Բագրատյանին, ով կարծիք էր հայտնել, թե այս օրենքը քաղաքացուն ոչինչ չի տալիս, միայն ԿԲ-ի շահերն է սպասարկում: …

ԱԺ ֆինանսավարկային և բյուջետային մշտական հանձնաժողովի նիստում քննարկվում է բանկային ավանդների ներգրավման մասին օրենքում փոփոխություններ կատարելու մասին նախագիծը: ԲՀԿ խմբակցության պատգամավոր Սերգեյ Բագրատյանը կարծիք հայտնեց, որ այս օրենքը քաղաքացուն ոչինչ չի տալիս, միայն ԿԲ-ի շահերն է սպասարկում: «Որպես սպառող՝ ես մտածում եմ՝ ինչ է տալիս ինձ այս օրենքը. ոչինչ չի տալիս: Եթե Կենտրոնական բանկին ենք …

Փետրվարի 5-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 167726 դեպք, որոնցից 159350-ն` առողջացած, 3109-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4488 պացիենտ: Ընդհանուր առմամբ կատարվել է 659181 թեստավորում: Այսպիսով` երեկ կատարվել է 2858 թեստավորում, որից հաստատվել է կորոնավիրուսային հիվանդության 158 նոր դեպք: Ունենք 305 առողջացած և մահվան 2 դեպք:

Աշխարհի խոշորագույն հումքային բորսաների փետրվարի 4-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 0.93%-ով և կազմել 56.62 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 0.68%-ով և կազմել 59.23 դոլար:

ԱՀ ներքին գործերի նախարարության ԱԻ պետական ծառայությունն իրազեկում է, որ այսօր «Հումանիտար ականազերծման կենտրոն» հիմնադրամը չպայթած զենք-զինամթերքի վնասազերծման աշխատանքներ է նախատեսում Ասկերանի շրջանի Խնածախ և Այգեստան համայնքներում, ինչպես նաև Մարտունի քաղաքի տարածքում: Իսկ ԱԻ ծառայության և ՌԴ ԱԻՆ սակրավորական ջոկատներն այսօր պայթեցման աշխատանքներ կկատարեն Մարտունու շրջանի Ծովատեղ, Կոլխոզաշեն, Ասկերանի շրջանի Մխիթարաշեն և Բերքաձոր գյուղերում: Ծառայությունը …

Արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ Վարդենյաց լեռնանցքը փակ է բեռնատարների համար, դժվարանցանելի՝ մնացած բոլոր տրանսպորտային միջոցների համար, փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները: Գեղարքունիքի մարզի ավտոճանապարհներին տեղ-տեղ առկա է մերկասառույց։ Վարդենյաց լեռնանցքում բուք է: Սարավան-Զանգեր …

ԱՀ ՆԳՆ ԱԻ պետական ծառայությունը տեղեկացնում է, որ ծառայության փրկարարական ջոկատները երկօրյա դադարից հետո այսօր վերսկսել են պատերազմի ընթացքում զոհված զինծառայողների աճյունների, միաժամանակ անհետ կորածների փրկարար-որոնողական աշխատանքները: Փրկարարական 5 ջոկատով որոնումներն այսօր իրականացվում են Հադրութի, Վարանդայի (Ֆիզուլի) և Ջրական (Ջաբրաիլ) շրջաններում: Ախատանքներին մասնակցում են նաև զինծառայողների հարազատները:

Աշխատանքային այցով Ղազախստանի Հանրապետությունում գտնվող վարչապետ Նիկոլ Փաշինյանը փետրվարի 5-ի առավոտյան հանդիպում է ունեցել Ղրղզստանի նորանշանակ վարչապետ Ուլուկբեկ Մարիպովի հետ: Նիկոլ Փաշինյանը շնորհավորել է Ուլուկբեկ Մարիպովին Ղրղզստանի վարչապետի բարձր պաշտոնում նշանակվելու կապակցությամբ և մաղթել հաջող գործունեություն։ Վարչապետը նշել է, որ Հայաստանն ու Ղրղզստանն սերտ համագործակցություն ունեն երկկողմ ու բազմակողմ ձևաչափերով, ինտեգրացիոն միավորումների շրջանակում, և Հայաստանը …

Մեկնարկել է ԱԺ ֆինանսավարկային և բյուջետային հարցերի հանձնաժողովի նիստը: