Քաղաքականություն
03.10.2021 | 19:35
Վրաստանում տեղական ինքնակառավարման մարմինների ընտրությունների երկրորդ փուլը կանցկացվի հոկտեմբերի 30-ին: «Սպուտնիկ Գրուզիա»-ի փոխանցմամբ՝ այդ մասին ճեպազրույցի ժամանակ հայտնել է «Վրացական երազանք» կուսակցության նախագահ Իրակլի Կոբախիձեն:
Կենտրոնական ընտրական հանձնաժողովի նախնական տվյալներով ՝ քաղաքապետերի ընտրությունների երկրորդ փուլը տեղի կունենա երկրի 20 քաղաքներում, այդ թվում ՝ Թբիլիսիում, որտեղ ոչ մի թեկնածու չի կարողացել հավաքել ձայների 50 տոկոսից ավելին:
Վրաստանի Ընտրական օրենսգրքի համաձայն ՝ երկրորդ փուլերն անցկացվում են տեղական ինքնակառավարման մարմինների ընտրություններից հետո չորրորդ շաբաթ օրը և նշանակվում են ԿԸՀ-ի կողմից ՝ առաջին փուլի արդյունքների ամփոփման հետ միասին:
Քաղաքապետերի ընտրվելու դեպքում գոյություն ունի 50 տոկոս ընտրական շեմ, իսկ քաղաքային խորհուրդների (սակրեբուլոյի) անդամների ընտրության դեպքում ՝ 40 տոկոս:
Երկրորդ փուլին մասնակցում են երկու թեկնածուներ, որոնք առաջին փուլում բոլորից շատ ձայներ են հավաքել:
Ընտրությունների երկրորդ փուլում կհաղթի առավելագույն ձայներ հավաքած թեկնածուն։
