Թուրքիայի նախագահ Ռեջեփ Թայիփ Էրդողանը հայտարարել է, որ հեռախոսազրույց կունենա ՌԴ նախագահ Վլադիմիր Պուտինի հետ՝ Թուրքիայի, Ռուսաստանի և Ուկրաինայի նախագահների մասնակցությամբ եռակողմ հանդիպում անցկացնելու գաղափարի վերաբերյալ նրա դիրքորոշումը պարզելու համար, գրում է «Անադոլու» գործակալությունը։ ԱՄԷ-ից Անկարա վերադառնալիս Էրդողանը լրագրողների հետ զրույցում կողմ է արտահայտվել սևծովյան տարածաշրջանում լարվածության շուտափույթ նվազեցմանը։ Նա նշել է, որ Ուկրաինայի նախագահը պաշտպանում …

ՀՀ վարչապետ Նիկոլ Փաշինյանը որոշում է ստորագրել Նարեկ Բաբայանին ՀՀ Սյունիքի մարզպետի տեղակալի պաշտոնից ազատելու մասին: «Ղեկավարվելով «Հանրային ծառայության մասին» օրենքի 9-րդ հոդվածի 9-րդ մասով՝ Նարեկ Բաբայանին ազատել Հայաստանի Հանրապետության Սյունիքի մարզպետի տեղակալի պաշտոնից»,- ասված է վարչապետի որոշման մեջ:

Զորամիավորումներում և զորամասերում շարունակվում են ձմեռային զորակոչի շրջանակում զինված ուժերի շարքերը համալրած նորակոչիկների զինվորական երդման հանդիսավոր արարողությունները․ տեղեկացնում են ՀՀ ՊՆ-ից։ Փետրվարի 15-ին երդման արարողություն է անցկացվել N զորամասում։ Հրամանատարական կազմի, տեղական ինքնակառավարման մարմինների և հոգևոր դասի ներկայացուցիչների, հարազատների ներկայությամբ նորակոչիկները երդվել են անձնվիրաբար ծառայել հայրենիքին, անվերապահորեն կատարել հրամանատարների հրամանները և պատվով պաշտպանել հայրենի երկրի …

Վրաստանում արձանագրվել է կորոնավիրուսի 15 315 նոր դեպք: Այս մասին տեղեկությունը հրապարակվել է stopcov.ge կայքէջում: Ինտենսիվ թեստավորման վերջին 24 ժամում անցկացվել է 50 058 թեստ, այստեղից 31 794-ը՝ հակագենի արագ թեստով և 18 264-ը՝ «ՊՇՌ»: Դրականության ցուցանիշը. օրական – 30,59%, վերջին 14 օրը –32,02%, վերջին 7 օրը – 31,51%: Այս պահի դրությամբ, Վրաստանում հաստատված է …

Իսրայելի նախագահ Իսաակ Հերցոգը հաջորդ երկու շաբաթների ընթացքում, նախքան Թուրքիա մեկնելն ու նախագահ Ռեջեփ Թայիփ Էրդողանի հետ բանակցություններ անցկացնելը, կմեկնի Հունաստան և Կիպրոս։ Այս մասին գրում է «Ահվալ»-ը՝ վկայակոչելով The Jerusalem Post-ը։ «Ուղևորությունները կոչված են հավաստիացնելու Աթենքին և Նիկոսիային, որ Անկարայի հետ մերձեցումը տեղի չի ունենա այն սերտ կապերի հաշվին, որոնք Իսրայելը զարգացրել է նրանց …

ՀՀ գլխավոր դատախազ Արթուր Դավթյանը Երևան քաղաքի Կենտրոն և Նորք Մարաշ վարչական շրջաննների դատախազության դատախազների հետ, Երևան քաղաքի դատախազ Սևակ Հովհաննիսյան, նշված տարածքներն սպասարկող՝ իրավապահ մյուս մարմինների ստորաբաժանումների ղեկավարների մասնակցությամբ ամփոփել է նշված վարչական շրջաննների դատախազության 2021թ. թվականի գործունեության արդյունքները․ տեղեկացնում են ՀՀ գլխավոր դատախազությունից։ Կենտրոն և Նորք Մարաշ վարչական շրջաննների դատախազ Պետրոս Մարտիրոսյանը ներկայացրել …

Ադրբեջանն արտասահմանցիների հերթական քարոզչական այցն է կազմակերպել Արցախի գրավյալ տարածքներ։ Տեղական լրատվամիջոցները հաղորդում են, որ 21 երկրի ճանապարհորդների պատվիրակությունը եռօրյա այցով մեկնել է Արցախ։ Նրանք այցելելու են Վարանդա, Շուշի, Ակնա, Քարվաճառ, Կուբաթլու և Կովսական։ Ճանապարհորդների խումբն արդեն եղել է հայկական գրավյալ Շուշիում։ Լրատվամիջոցները չեն հայտնում, թե կոնկրետ որ երկրներից և քանի ճանապարհորդի այց է կազմակերպվել …

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Դաշինքը մինչ այժմ չի տեսնում Ուկրաինայի սահմաններից ռուսական զորքերի դուրսբերման նշաններ, ինչը կվկայեր լարվածությունը նվազեցնելու Մոսկվայի իրական մտադրության մասին։ Ավելի վաղ ՌԴ իշխանությունները հայտարարել էին, որ զորավարժություններից հետո կազմավորումների մի մասը վերադառնում է մշտական տեղակայման վայրեր, նրանք նաև խոսել են Արևմուտքի հետ ունեցած տարաձայնությունները դիվանագիտական ճանապարհով լուծելու …

Գերմանիայի Ֆրայզինգ քաղաքում երեկ կայացել է բասկետբոլի Եվրոպայի 2022 թ. առաջնությունների վիճակահանությունը: Իրենց մրցակիցներին իմացել են տղամարդկանց Հայաստանի ազգային հավաքականը, մինչև 16 տարեկանների (C դիվիզիոն), մինչև 18 տարեկանների (C դիվիզիոն) հավաքականները և կանանց մինչև 16 (C դիվիզիոն) և 20 (B դիվիզիոն) տարեկանների հավաքականները. տեղեկացնում են ԿԳՄՍՆ-ից։ Բասկետբոլի Հայաստանի ազգային հավաքականը Եվրոպայի փոքր երկրների առաջնությունում հայտնվել …

Շվեդիայի կառավարությունը ևս մեկ անգամ հաստատել է ՆԱՏՕ-ին չմիանալու իր ծրագրերը։ Միևնույն ժամանակ, Ստոկհոլմը մտադիր է համատեղել իր չեզոքությունը զինված ուժերի մարտունակության բարձրացման և պաշտպանության ոլորտում միջազգային համագործակցության խորացման հետ, ասվում է Շվեդիայի կառավարության հրապարակած Արտաքին քաղաքականության հռչակագրում։ «Կառավարությունը չի նախատեսում ՆԱՏՕ-ին անդամակցելու հայտ ներկայացնել, անվտանգության քաղաքականության գիծը չի փոխվել, մեր չեզոքությունը նպաստում է մեր …