15.12.2025 | 15:05
Հայաստանը խստորեն դատապարտում է ահաբեկչությունը. ՀՀ ԱԳՆ-ն ցավակցել է Սիդնեյի լողափում հարձակման զոհերի ընտանիքներին
Հոգևորականները մասնակցելու են ընդդիմության հանրահավաքին. Մայր Աթոռ
Քաղաքականություն
01.05.2022 | 15:10
Մայր Աթոռի տեղեկատվական կենտրոնի պատասխանատու տեր Եսայի քահանան այսօր ֆեյսբուքյան գրառմամբ անդրադարձել է ընդդիմության հանրահավաքին քահանաների մասնակցությաան մասին լուրերին։
Նրա գրառման մեջ նշված է․
«Ի պատասխան հանրահավաքին հոգևորականների մասնակցության հարցերին
Այսօր՝ մայիսի 1-ին, Երևանում նախատեսված հանրահավաքին հոգևորականների մասնակցության վերաբերյալ լրատվականների հարցերին ի պատասխան ցանկանում եմ ընդհանրացված տեղեկացնել հետևյալը։
Հոգևորականները, ինչպես քաղաքական զանգվածային նախընթաց միջոցառումներին, ներկա են լինելու նաև այսօրվա հանրահավաքին՝ հնարավոր լարվածությունները մեղմելու և հանդարտության մթնոլորտի պահպանմանը նպաստելու համար:
Մայր Աթոռը հորդորում է հանրահավաքի մասնակիցներին և իրավապահ մարմինների ներկայացուցիչներին հանդես բերել զգոնություն ու խիստ պատասխանատվություն և զերծ մնալ սադրանքներին տրվելուց:
Աղոթում ենք Հայաստան և Արցախ մեր հայրենիքի ապահովության ու անվտանգության, մեր ժողովրդի բարօր կյանքի համար»։
