Ռուսաստանում կորոնավիրուսի հաստատված դեպքերի թիվը մեկ օրում ավելացել է 41 հազար 335-ով, ինչը համավարակի սկսվելուց ի վեր նոր առավելագույն ցուցանիշ է. հայտնում է ՏԱՍՍ-ը: Վարակվածների թիվը հասել է 8 մլն 755 հազար 930-ի: Մեկ օրում մահացել է 1188 մարդ, մահերի ընդհանուր թիվը կազմում է 245 հազար 635:

Առաջիկա 5 օրվա եղանակի կանխատեսում Հանրապետության տարածքում` Նոյեմբերի 6-10-ը սպասվում է առանց տեղումների եղանակ: Քամին` արևելյան՝ 2-5 մ/վ: Օդի ջերմաստիճանը էապես չի փոխվի: Երևան քաղաքում՝ Նոյեմբերի 6-10-ը սպասվում է առանց տեղումների եղանակ։

Հայաստանի ազգային պատկերասրահի Ֆեյսբուքի էջում հայտարարություն է տարածել, որում ասվում է. «Սիրելի՛ արվեստասերներ, տեղեկացնում ենք, որ նոր ցուցահանդեսի նախապատրաստական աշխատանքներով պայմանավորված՝ Ազգային պատկերասրահը հանրության համար փակ կլինի նոյեմբերի 6-ից մինչև 20-ը»:

Ոստիկանության ՔՈԳՎ և Արաբկիրի բաժնի ՔՀԲ ծառայողների համատեղ ձեռնարկած օպերատիվ-հետախուզական միջոցառումների շնորհիվ նոյեմբերի 5-ին Վաղարշյան փողոցից բերման է ենթարկվել 32-ամյա Ալի Ս.-ին, որը սեպտեմբերի 6-ից Իրանի Իսլամական Հանրապետության Ինտերպոլի կողմից հետախուզվում էր խարդախության մեղադրանքով. տեղեկացնում են ՀՀ ոստիկանությունից: Խափանման միջոցը՝ կալանք: Հայտնաբերման մասին հայտնվել է ՀՀ ԱՆ իրավական փոխօգնության վարչությանը:

Աշխատանքայի այցով Հայաստան ժամանած Ռուսաստանի Դաշնության և Բելառուսի նոտարական պալատների ներկայացուցիչները նոյեմբերի 5-ին այցելել են Հայոց ցեղասպանության հուշահամալիր. այս մասին տեղեկացնում է Հայոց ցեղասպանության թանգարան- ինստիտուտը: Հյուրերին դիմավորել է Հայոց ցեղասպանության թանգարան-ինստիտուտի գիտական աշխատանքների գծով փոխտնօրեն Էդիտա Գզոյանը: Հուշահամալիրի ստեղծման պատմությունը ներկայացրել է Հայոց ցեղասպանության թանգարանի էքսկուրսավար Լուսինե Թունյանը: Հայաստան ժամանած հյուրերը ծաղիկներ են դրել …

Նոյեմբերի 5-ին, ժամը 17.00-ին, «Մերսեդես» բեռնատարը Երևանի Շիրազի փողոցում վրաերթի է ենթարկել 74-ամյա Աիդա Հովհաննիսյանին, որը մահացել է. տեղեկացնում են ՀՀ ոստիկանությունից: Կատարվում է քննություն:

Վանաձորում ընթանում է «Եկեք պատվաստվենք» միջոցառումը. տեղեկացնում են ՀՀ ԱՆ-ժից: «Մեկ ժամվա ընթացքում` պատվաստումային 4 կետերում ✅6 տասնյակից ավելի մարդ պատվաստվել է ✅շուրջ 300 հոգի հերթագրված է»,- ասված է ՀՀ ԱՆ-ի հաղորդագրությունում:

ԵՊՀ գիտխորհրդի նիստերի դահլիճում այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը, որի ընթացքում ընտրվել են նախագահը և քարտուղարը: Այս մասին տեղեկացնում է համալսարանի ֆեյսբուքյան էջը: ԵՊՀ հոգաբարձուների խորհրդի նախագահի պաշտոնում ընտրվել է ՀՀ փոխվարչապետ Սուրեն Պապիկյանը, իսկ քարտուղարի պաշտոնում՝ Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանը:

Ոստիկանության Բաղրամյանի բաժնի քրեական հետախույզների և անձնագրային ծառայության աշխատակիցների համատեղ ձեռնարկած միջոցառումների շնորհիվ նոյեմբերի 5-ին Բաղրամյան գյուղից բաժին բերման է ենթարկվել 32-ամյա Գարեգին Մ.-ն, որը 2016 թ.-ից Ուկրաինայի իրավապահների կողմից հետախուզվում էր թմրանյութերի ապօրինի շրջանառության մեղադրանքով: Այս մասին տեղեկացնում է ՀՀ Ոստիկանությունը։ Առանց խափանման միջոցի: Հայտնաբերման մասին հայտնվել է հետախուզումը նախաձեռնողին:

«Գազպրոմ Արմենիա» ՓԲԸ-ն տեղեկացնում է, որ նոյեմբերի 9-ին ժամը 09:00-ից մինչև նոյեմբերի 10-ը ժամը 21:00-ն կդադարեցվի Երևան քաղաքի Նոր Նորք վարչական շրջանի (ամբողջությամբ), Նորք Մարաշ վարչական շրջանի (ամբողջությամբ) գազասպառողների, հարակից տարբեր նշանակության հանրային օբյեկտների, ԱԳԼՃԿ-ների, Կոտայքի մարզի Ջրվեժ, Ձորաղբյուր, Զովք, Ողջաբերդ, Գեղադիր, Հացավան, Գառնի, Գողթ, Գեղարդ, Զառ, Ակունք, Կոտայք, Կապուտան, Հատիս, Զովաշեն, Նոր Գյուղ, Մայակովսկի, …