Նորավանք վանական համալիրի եկեղեցու աստիճաններից ազգությամբ հայ ՌԴ քաղաքացի է ընկել։ Ունի լուրջ վնասվածքներ ոտքերի շրջանում, ժամանել է շտապօգնության բրիգադ և նրան տեղափոխել Եղեգնաձորի ԲԿ։ Այս մասին իր ֆեյսբուքյան էջում գրել է «Պրոֆեսիոնալ զբոսավարների հայկական ասոցիացիայի» նախագահ Յաշա Սոլոմոնյանը։ Տղամարդուն բուժօգնություն ցուցաբերած շտապօգնության հերթապահ բժիշկ Արման Հակոբյանը Factor․am-ին ասաց, որ վնասված էին տղամարդու երկու ոտքերը։ …

«Մինչ հեղափոխությունը ՀՀ-ն երկար տարիներ դատական իշխանություն գրեթե չի ունեցել»,- Ազգային ժողովի արտահերթ նիստում այս կարծիքը հայտնեց Վճռաբեկ դատարանի դատավորի թեկնածու Կարեն Թումանյանը: Նրա խոսքով՝ ՄԻԵԴ-ը 45 գործով ՀՀ-ում արդար դատաքննության իրավունքի խախտում է արձանագրել: Թեկնածուի դիտարկմամբ՝ ժողովրդավարության պահպանման համար կարևոր է արդար դատաքննության իրավունքի ապահովումը: «Հեղափոխությունից հետո հնարավորություն ստեղծվեց իրապես ունենալու  դատական իշխանություն, ինչը, …

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Մադրիդում նախանշված գագաթնաժողովի ժամանակ Դաշինքի անդամները համաձայնեցնում են նոր ռազմավարությունը, որը ենթադրում է արտաքին սպառնալիքից Բալթյան երկրների պաշտպանության զգալի ուժեղացում։ «Մեր հիմնական պարտականությունն է կանխել ցանկացած հարձակում Էստոնիայի կամ որևէ այլ դաշնակցի վրա։ Այդ իսկ պատճառով գագաթնաժողովում մենք լայնածավալ և կարևոր որոշումներ կկայացնենք մեր հավաքական պաշտպանությունն ավելի …

G7-ի երկրները մտադիր են է՛լ ավելի սահմանափակել Ռուսաստանի հասանելիությունը արդյունաբերական ռեսուրսներին և տեխնոլոգիաներին, որոնք աջակցում են ռուսական պաշտպանության ոլորտին։ Այս մասին հայտնել է Սպիտակ տունը, գրում է Ինտերֆաքսը։ «Մեծ յոթնյակի առաջնորդները համաձայնեցնում ու ընդլայնում են պատժամիջոցները, որոնք ուղղված են ՌԴ մուտքի սահմանափակմանը առանցքային արդյունաբերական ռեսուրսներին, ծառայություններին և տեխնոլոգիաներին՝ արտադրված մեր տնտեսությունների կողմից, հատկապես նրանք, որոնք …

«Կոռուպցիան ունի տնտեսական բաղադրիչ, մասնավորապես կռուպցիայի արդյունքում ապօրինի շահ պետք է ստանալ: Կարծում եմ՝ անհրաժեշտ է որոշակի տնտեսական գիտելիքներ ունենալ, որպեսզի ճիշտ եզրակացության գալու և որոշում կայացնելու համար հնարավոր լինի փաստական լուրջ հիմքերով առաջնորդվել»,- դիմելով Վճռաբեկ դատարանի դատավորի թեկնածու Լիզա Գրիգորյանին՝ այս մասին  ԱԺ արտահերթ նիստում նշեց պատգամավոր Սերգեյ Բագրատյանը՝ հետաքրքրվելով, թե թեկնածուն արդյոք ունի …

««Զանգեզուր» կենսոլորտային համալիր» ՊՈԱԿ-ի և Բնության համաշխարհային հիմնադրամի (WWF) Հայաստանյան մասնաճյուղի հետ համատեղ իրականացվող մշտադիտարկման աշխատանքների արդյունքում՝ 2022 թվականի հունիսի 16-24 «Զանգեզուր» մասնաճյուղի «Զանգեզուր» պետական արգելավայրում արձանագրվել է Հայկական մուֆլոններ և բեզոարյան այծեր՝ միասին մեկ վայրում»,- ասված է «Զանգեզուր» կենսոլորտային համալիր» ՊՈԱԿ-ի տարածած հաղորդագրությունում։

Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն՝ կրթական բարեփոխումների օրակարգի և ընթացքի վերաբերյալ․ տեղեկացնում են ՀՀ վարչապետի աշխատակազմից։ «Քննարկվել են կրթության ոլորտի ռազմավարության մշակմանը և այդ համատեքստում բարձրագույն, մասնագիտական կրթության ու հանրակրթության բարեփոխումներին վերաբերող հարցեր: Անդրադարձ է արվել «Բարձրագույն կրթության և գիտության մասին» օրենքի նախագծով առաջարկվող կարգավորումներին, բարձրագույն կրթության որակի չափորոշիչներին և ռազմավարական ուղենիշներին, …

Վրաստանի իշխանությունները հայտարարել են, որ թույլ չեն տա երկիր մուտք գործի Բաթում հասած ռուսական նավթը, որը գրանցված է մի ընկերության վրա, որը հայտնվել է արեւմտյան պատժամիջոցների տակ: ՏԱՍՍ-ի փոխանցմամբ՝ այս մասին երկուշաբթի կառավարության նիստից հետո կայացած ճեպազրույցում հայտարարել է Վրաստանի փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։ «Այո, իսկապես այսօր Բաթումի նավահանգստում նավ է …

Առաջիկա 5 օրվա եղանակի կանխատեսում Հանրապետության տարածքում` Հունիսի 28-30-ը, հուլիսի 1-2-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ: Առանձին հատվածներում սպասվում է նաև կարկուտ: Քամին՝ հարավարևելյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ: Օդի ջերմաստիճանը հունիսի 27-30-ն աստիճանաբար կբարձրանա 6-9 աստիճանով:   Երևան քաղաքում՝ Հունիսի 28-30-ը, …

«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն` Հայաստանի Հանրապետության Ազգային ժողովի պատգամավոր Արթուր Դավթյանը հունիսի 27-ին հրաժարականի դիմում է ներկայացրել․ տեղեկացնում են ՀՀ ԱԺ-ից։ ««Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա …