ԱՀ ՄԻՊ Գեղամ Ստեփանյանն արձագանքել է Ստեփանակերտի «Վերածննդի» հրապարակում կազմակերպվող հավաքի մասնակիցների կողմից հնչեցված հայտարարություններին առ այն, որ պետական մարմինների, պաշտոնատար անձանց, ուսումնական հաստատությունների պատասխանատուների կողմից ճնշումներ են գործադրվում հավաքի մասնակիցների նկատմամբ։ «Մարդու իրավունքների պաշտպանը հարկ է համարում նշել, որ Արցախի Հանրապետության Սահմանադրությունը սահմանում է խաղաղ, առանց զենքի հավաքներին ազատորեն մասնակցելու և դրանք կազմակերպելու յուրաքանչյուրի …

Ադրբեջանի նախագահ Իլհամ Ալիևը հայտարարել է, որ Ադրբեջանն ու Հայաստանը մի քանի ամսվա ընթացքում կարող են պատրաստել և ստորագրել խաղաղության պայմանագիր: «Կարծում եմ, որ մենք կարող ենք մի քանի ամսվա ընթացքում ավարտել աշխատանքը և խաղաղության պայմանագիր ստորագրել»,- Interfax-ի փոխանցմամբ՝ հայտարարել է Ալիևը իտալական Il Sole 24 Ore թերթին տված հարցազրույցում: Ալիևը Հայաստանի վարչապետ Նիկոլ Փաշինյանի …

Ս.թ. սեպտեմբերի 2֊ին ԱՄՆ֊ում ՀՀ դեսպան Լիլիթ Մակունցը հանդիպեց ԱՄՆ Միջուկային Էներգիայի քարտուղարի փոխտեղակալ Քեթըրին Հաֆֆի և Էներգետիկայի դեպարտամենտի թիմի հետ։ Այս մասին տեղեկացնում են ԱՄՆ-ում Հայաստանի դեսպանությունից։ Հանդիպման ընթացքում քննարկվել են քաղաքացիական միջուկային էներգիայի բնագավառում առկա և ապագա համագործակցությանն առնչվող հարցեր։

Թուրքիայի նախագահ Ռեջեփ Թայիփ Էրդողանը հայտարարել է, որ Հունաստանը «ծանր գին» կվճարի, եթե «հեռուն գնա» Անկարայի հետ հարաբերություններում։ «Հունաստանը սպառնում է մեզ C-300-ով։ Հունաստան, նայեք պատմությանը. եթե առաջ գնաք, թանկ կվճարեք, մի մոռացեք Իզմիրը», – ասել է Էրդողանը։ Թուրքական ԶԼՄ-ներն ավելի վաղ հայտնել էին, որ հունական կողմը C-300 ՀՕՊ համակարգեր է գործարկել թուրքական F-16-ը որսալու …

Իրաքի շրջաններից արևադարձային տաք օդային հոսանքների ներթափանցմամբ պայմանավորված, Արարատյան դաշտում, Արագածոտնի, Վայոց ձորի նախալեռնային գոտիներում և Երևանում սեպտեմբերի 3-4-ը ցերեկային ժամերին օդի ջերմաստիճանը կհասնի +38…+40 աստիճանի։ Պայմանավորված բարձր ջերմային ֆոնով և տեղումների բացակայությամբ՝ հանրապետության նախալեռնային և հովտային գոտիներում սպասվում է բարձր կարգի հրդեհավտանգ իրավիճակ։ Հանրապետության տարածքում սեպտեմբերի 4-ին սպասվում է առանց տեղումների եղանակ: Սեպտեմբերի 5-6-ը, …

Սեպտեմբերի 3-ին՝ ժամը 15։47-ին, Տավուշի մարզային ճգնաժամային կառավարման կենտրոն ահազանգ է ստացվել, որ Իջևան քաղաքի Երևանյան փողոցում գտնվող բենզալցակայանում հրդեհ է բռնկվել: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է բենզալցակայանի պահակակետում: Մինչ փրկարարների կանչի վայր հասնելը, երեք քաղաքացի հոսպիտալացվել է Իջևան քաղաքի …

Մոսկվայում՝ Միությունների տան Սյունազարդ դահլիճում, տեղի է ունեցել Միխայիլ Գորբաչովի՝ Խորհրդային Միության առաջին և վերջին նախագահի հրաժեշտի արարողությունը: Նա մահացել էր օգոստոսի 30-ի երեկոյան՝ 92 տարեկանում։ Հրաժեշտի արարողությունից հետո Գորբաչովին հուղարկավորել են Նովոդևիչյան գերեզմանատանը: Ինչպես փոխանցում է BBC-ի ռուսական ծառայությունը՝ Միությունների տան մուտքի մոտ հազարավոև մարդիկ  են հավաքվել նախքան  հրաժեշտի արարողության մեկնարկը, հերթ է գոյացել։ …

Անորակ հրթիռներ ձեռք բերելու գործով ավելի քան երկու ամիս կալանքի տակ գտնվող ՀՀ զինված ուժերի հրթիռային զորքերի և հրետանու նախկին պետ-վարչության պետ, գեներա-մայոր Արմեն Հարությունյանը գրավի դիմաց ազատ է արձակվել: Այս մասին Factor.am-ի հետ զրույցում տեղեկացրեց պաշտպան Հակոբ Ենոքյանը՝ զերծ մնալով սահմանված գրավի չափը հանրայնացնելուց։ Դեռ նախորդ ամիս քննիչը միջնորդություն էր ներկայացրել դատարան Հարությունյանի նկատմամբ …

Սեպտեմբերի 3-ին` ժամը 13։55-ին, Շիրակի մարզային ճգնաժամային կառավարման կենտրոն ահազանգ է ստացվել, որ Անուշավան և Սարալանջ գյուղերի սարերում այրվում է խոտածածկույթ։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է Սարալանջ, Անուշավան, Հառիճ գյուղերի և Արթիկ քաղաքի միջնամասում գտնվող սարերում. այրվում է մոտ 150-200 …

Ոստիկանության Էրեբունու բաժնի քրեական հետախույզների բացատրական աշխատանքի շնորհիվ սեպտեմբերի 2-ին բաժին է ներկայացել 46-ամյա Դավիթ Հ.-ն, որը 2018 թ. հոկտեմբերի 17-ից Մոսկվայի ՆԳՎ կողմից հետախուզվում էր ՌԴ քրեական օրենսգրքի 171.1-րդ հոդվածի (Ապօրինի ձեռնարկատիրական գործունեություն ծավալելը) մեղադրանքով: Ինչպես հայտնում են ՀՀ ոստիկանությունից՝ խափանման միջոց է կիրառվել կալանքը: Հետախուզվողի ներկայանալու մասին հայտնվել է հետախուզումը նախաձեռնողին: