08.12.2025 | 11:06
Ամեն ինչ չի, որ պիտի մատով ցույց տրվի. Ավինյանը՝ ԵԱՍՄ հիմնարկի աշխատողների կողմից տերև այրելու մասին․ ՏԵՍԱՆՅՈՒԹ
Ադրբեջանի ԶՈւ-ն թիրախավորել է Արցախի գյուղացիների․ ԳԴ-ն ուսումնասիրում է Պապիկյանի տան գնումը․ Լուրեր
15.03.2023 | 20:00
- Ադրբեջանի զինուժն այսօր ժամը 11-ի սահմաններում կրակել է Արցախում խաղաղ բնակիչների ուղղությամբ։ Ամարասի հովտի խաղողի այգիներում 3 քաղաքացի էտման աշխատանքներ կատարելիս հայտնվել են հարակից ադրբեջանական մարտական դիրքերից արձակվող կրակոցների տակ։ Կրակոցների հետևանքով գյուղատնտեսական աշխատանքները դադարեցվել են։ Դեպքի մասին տեղեկությունները փոխանցվել են ռուսական խաղաղապահ զորակազմին։
- ՀՀ գլխավոր դատախազությունն ուսումնասիրում է ՀՀ պաշտպանության նախարար Սուրեն Պապիկյանի տան գործարքի վերաբերյալ «Հետք»-ի հրապարակումը։ Factor.am-ին փոխանցեց գլխավոր դատախազի խորհրդարական Լուսինե Մարտիրոսյանը։ Մոտ երկու շաբաթ առաջ «Հետք»-ը գրել էր, որ Պաշտպանության նախարար Սուրեն Պապիկյանը 168․000 դոլարով բնակարան է գնել, որն այսօր 412.000 դոլար արժե՝ անդրադառնալով կոռուպցիոն ենթադրյալ դրսևորումներին։
- Այսօր Գյումրիի ավագանու հերթական նիստում 21 կողմ, 4 դեմ և 3 ձեռնպահ ձայների հարաբերակցությամբ փոխքաղաքապետ նշանակվեց 28-ամյա Վահագն Մկրտչյանը, որ վարչապետ Նիկոլ Փաշինյանի տիկնոջ՝ Աննա Հակոբյանի ազգականն է։
- ՆԳՆ Վահե Ղազարյանը ԱԺ-ում հայտարարել է, որ ՀՀ ներքին զորքերը կապառազմականացվեն ու կվերածվեն ոստիկանության գվարդիայի։
Այս ժամի լուրերը՝ տեսանյութում։
