28.10.2026 | 15:02
Երևանում երկու հեծանիվ գողանալու կասկածանքով 45-ամյա տղամարդ է հայտնաբերվել
Իսրայելում Իրանի հրթիռային հարվածի հետևանքով զոհվել է 8 մարդ, վիրավորվել՝ 23-ը
Քաղաքականություն
01.03.2026 | 16:53
Առնվազն 20 մարդ վիրավորվել է Երուսաղեմի մերձակայքում գտնվող Բեյթ-Շեմեշ քաղաքում իրանական բալիստիկ հրթիռի ընկնելու հետևանքով, 8 մարդ զոհվել է, հայտնում է The Times of Israel-ը՝ հղում անելով շտապօգնության «Մագեն Դավիդ Ադոմ» ծառայությանը։
Երեք տուժածի վիճակը գնահատվում է ծայրահեղ ծանր։ Վիրավորների թվում է 10-ամյա աղջիկ, որը ծանր վնասվածքներ է ստացել։
Հրթիռի ուղիղ հարվածի հետևանքով փլուզվել է բնակելի շենք, հարվածի տակ է հայտնվել սինագոգին մոտ գտնվող ապաստարանը։ Ականատեսների տեսանյութերում երևում է հրդեհ, որը բռնկվել է հարվածի շրջանում։
Փետրվարի 28-ի առավոտյան Իսրայելն ու Միացյալ Նահանգները հարվածներ են հասցրել Թեհրանին և Իրանի այլ հատվածներին։ ԱՄՆ նախագահ Դոնալդ Թրամփը հայտարարել է Իսլամական Հանրապետության միջուկային ծրագրի ոչնչացման մտադրության մասին։
Եվրամիությունը հայտնել է Մերձավոր Արևելքում տեղի ունեցող իրադարձությունների կապակցությամբ լուրջ մտահոգության մասին։ Գերմանիայի, Ֆրանսիայի և Մեծ Բրիտանիայի առաջնորդները խստորեն դատապարտել են տարածաշրջանի երկրների դեմ իրանական հարձակումները՝ Թեհրանին կոչ անելով բանակցությունների։
Իսրայելի հարվածների հետևանքով սպանվել է Իրանի գերագույն առաջնորդ այաթոլլա Ալի Խամենեին։
Տեսանյութերը՝ այստեղ։
