28.10.2026 | 14:53
Կատարի միջնորդներն Իրանին ԱՄՆ-ի հետ պատերազմը դադարեցնելու նոր համաձայնագրի նախագիծ են ներկայացրել
Ռուսական զորքերը հարվածել են Օդեսային. զոհվել է երկու մարդ, վիրավորվել՝ երեքը
Քաղաքականություն
23.02.2026 | 13:55
Ռուսական զորքերը փետրվարի 23-ի գիշերը հարվածել են Օդեսայի մարզին, զոհվել է երկու մարդ, հայտնում է տարածաշրջանային ռազմական վարչակազմի ղեկավար Օլեգ Կիպերը, գրում է Current time-ը։
Զոհվածներից մեկը 20-ամյա կին է, մյուսը՝ մոտ 45 տարեկան տղամարդ։ Վիրավորվել է նաև երեք մարդ, որոնցից երկուսը ծանր վիճակում է։ Կիպերի խոսքով՝ հարձակման հետևանքով վնասվել են արտադրական և պահեստային օբյեկտներ, վարչական շենքեր, ավտոսրահ և տրանսպորտային միջոցներ։ Բացի այդ՝ մեկ անօդաչու թռչող սարք հարվածել է բազմահարկ շենքի բնակարանի, բայց չի պայթել։
Զապորոժիեի տարածաշրջանային ռազմական վարչակազմի ղեկավար Իվան Ֆեդորովը հայտնում է, որ հարվածի հետևանքով վնասվել է արդյունաբերական ենթակառուցվածքային օբյեկտ, զոհվել է մեկ մարդ, կա նաև վիրավոր։ Խարկովում, ըստ Խարկովի տարածաշրջանային ռազմական վարչակազմի ղեկավար Օլեգ Սինեգուբովի, ռուսական հարձակման հետևանքով վիրավորվել է երկու մարդ։
Ուկրաինայի ռազմաօդային ուժերը հայտնում են, որ գիշերը ռուսական ուժերը հարված են հասցրել «Իսկանդեր-Մ» բալիստիկ հրթիռով և 126 անօդաչու թռչող սարքերով, ԱԹՍ-ներից 105-ը խոցվել է։ Նշվում է, որ բալիստիկ հրթիռի և 20 հարվածային անօդաչու թռչող սարքի հարվածները գրանցվել են 11 վայրերում, ինչպես նաև՝ խոցված անօդաչու թռչող սարքերի անկումը մեկ վայրում։
Թարգմանությունը՝ Էմմա Չոբանյանի
