28.10.2026 | 14:53
Կատարի միջնորդներն Իրանին ԱՄՆ-ի հետ պատերազմը դադարեցնելու նոր համաձայնագրի նախագիծ են ներկայացրել
Թրամփը մեկ տարով երկարաձգել է Ռուսաստանի դեմ պատժամիջոցները
Քաղաքականություն
20.02.2026 | 12:38
ԱՄՆ նախագահ Դոնալդ Թրամփը ևս մեկ տարով երկարաձգել է Ռուսաստանի նկատմամբ սահմանված պատժամիջոցները՝ Ուկրաինա ներխուժելու պատճառով, գրում է Meduza-ն:
Սա վերաբերում է ԱՄՆ-ի կողմից 2014, 2018 և 2022 թվականներին սահմանված պատժամիջոցներին։
«Այս գործադիր հրամանագրերում նշված [Ռուսաստանի իշխանությունների] գործողություններն ու քաղաքականությունը շարունակում են անսովոր և արտակարգ սպառնալիք ներկայացնել Միացյալ Նահանգների ազգային անվտանգության և արտաքին քաղաքականության շահերի համար»,- նշվում է փաստաթղթում, որը ստորագրվել է փետրվարի 18-ին։
ԱՄՆ իշխանությունները երկարաձգում են պատժամիջոցները՝ չնայած Ռուսաստան-Ուկրաինա պատերազմը դադարեցնելու հարցով եռակողմ բանակցություններին, որտեղ Վաշինգտոնը հանդես է գալիս որպես միջնորդ։
Փետրվարի 17-ին The Economist-ը հոդված էր հրապարակել «մեծագույն գործարքի» մասին, որը Ռուսաստանը, իբր, խոստացել է ԱՄՆ-ին՝ պատժամիջոցների մեղմացման դիմաց։ Ըստ հրապարակման՝ համաձայնագիրը քննարկել են Ռուսաստանի նախագահի հատուկ ներկայացուցիչ Կիրիլ Դմիտրիևը և ԱՄՆ նախագահի հատուկ բանագնաց Սթիվ Ուիթկոֆը։ Դմիտրիևը The Economist-ի հոդվածն անվանել է «կեղծ լուրեր»։
Թարգմանությունը՝ Էմմա Չոբանյանի
