24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
ՀՀ-ն շատ այլընտրանքներ չունի․ եթե ուզում ենք շարունակել մեր ազգային, պետական գոյությունը, պետք է գնալ արևմտյան ինտեգրացիայի․ Արմեն Հովհաննիսյան. ՏԵՍԱՆՅՈՒԹ
Քաղաքականություն
21.02.2023 | 11:58
Ընթանում է Հայաստանի ժողովրդավարական ուժերի՝ Հայաստանի եվրոպական ինտեգրման գործում համագործակցությանը նվիրված համաժողովը։
Քաղհասարակության ներկայացուցիչները քննարկում են Հայաստանի քաղաքացիական հասարակության և ընդդիմադիր ժողովրդավարական ուժերի՝ Հայաստանի եվրոպական ինտեգրման գործում համաձայնության մասին համատեղ հայտարարությունը։
«ՀՀ-ն շատ այլընտրանքներ չունի․ եթե ուզում ենք շարունակել մեր ազգային, պետական գոյությունը, պետք է գնալ արևմտյան ինտեգրացիայի»,- համաժողովի ընթացքում ընդգծեց քաղաքագետ Արմեն Հովհաննիսյանը։
Նրա դիտարկմամբ՝ առանց կառավարության վրա քաղաքացիական հասարակության և քաղաքական դաշտի ճնշման, այդ աշխատանքը չի իրականացվի։ Քաղաքագետի խոսքով՝ պետք է ձևավորվի արևմտյան կառույցների հետ ինտեգրացիայի և ժողովրդական ուղով գնալու հանրային պահանջ, և կառավարության ներկայացուցիչներն անընդհատ պետք է ճնշման տակ գտնվեն, որպեսզի դուրս գան իրենց կոմֆորտի գոտուց։
Քաղաքագետի կարծիքով՝ «Հյուսիսից» եկող վախերը գուցեև անհիմն չեն, բայց չափազանցված են և խանգարում են շատերի կենսագործունեությանը։ «Դա կարող է հաղթահարվել հանրային աջակցությամբ։ Հասարակությունը պետք է ասի իր խոսքը, որ կարող է գնալ դժվարությունների՝ հանուն մեր ազգային պետականությունը պահպանելու, հանուն անվտանգության և հանուն այլ լավ բաների»,- նշեց Հովհաննիսյանը։
Մանրամասները՝ տեսանյութում։
