Շուրջ 2 մլն դրամ՝ Արգիշտի Քյարամյանին․ ԱՆ-ն առաջարկում է քննիչներին 92 տոկոս հավելավճար վճարել․ ՏԵՍԱՆՅՈՒԹ

Լուրեր

19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
Բոլորը

Շուրջ 1 միլիոն 917 հազար դրամ՝ ՀՀ Քննչական կոմիտեի նախագահ Արգիշտի Քյարամյանին, 799 հազար և ավելի՝ Կոմիտեի քննիչներին․ ՀՀ Արդարադատության նախարարությունն առաջարկում է ապրիլի 1-ից աշխատավարձի 92 տոկոս հավելում տրամադրել Քննչական կոմիտեի քննիչներին՝ որպես առանձնակի ռիսկային, բարդություններով պայմանավորված և մասնագիտացում պահանջող պաշտոն զբաղեցնող անձ: ՔԿ-ի ներկայացրած նախագծի հիմնավորմամբ՝ քննիչներն այս պահին աշխատում են գերծանրաբեռնված:

Միայն Քննչական կոմիտեում այս պահին 1070-ից ավելի քննիչ է աշխատում, որոնք տարվա ընթացքում միջինը քննում են 111 քրեական վարույթ: ՔԿ խոսնակ Գոռ Աբրահամյանի պնդմամբ՝ այդ ծանրաբեռնվածությունն ազդում է քննության որակի վրա:

Նախագծի հիմնավորմամբ՝ դրա ընդունումը պայմանավորված է քննիչների՝ որպես առանձնակի ռիսկային ինքնավար պաշտոն զբաղեցնող և իրենց պաշտոնից բխող նպատակների և խնդիրների իրականացման համար պատասխանատվություն կրող պաշտոնատար անձանց հավելումներ տրամադրելու անհրաժեշտությամբ:

«Քրեական վարույթների նման քանակական աճի պայմաններում Քննչական կոմիտեի քննիչների օրական աշխատաժամանակը հաճախ հասնում է 12-13 ժամի: Ընդ որում, անհրաժեշտ է հաշվի առնել, որ քրեադատավարական օրենքը քննիչի համար սահմանում է իմպերատիվ դատավարական ժամկետներ որոշակի դատավարական ակտեր կայացնելու համար, այսպիսի պայմաններում, հնարավոր է, լինեն դեպքեր, երբ տվյալ ակտերը կայացվեն ոչ աշխատանքային ժամերի կամ օրերի: Նման գերծանրաբեռնված աշխատանքը, հանրային բարձր պատասխանատվությունն այդ աշխատանքը դարձնում են պակաս գրավիչ և ռիսկային»,- նշվում է նախագծում:

Շուրջ 10 տարի քննիչի պաշտոն զբաղեցրած Օնիկ Առաքելյանը, թեև դեմ չէ առաջարկվող փոփոխությանը, սակայն նկատում է՝ աշխատավարձի բարձրացումը չի կարող նվազեցնել քննիչներին կցված գործերի թիվը: Նա չի ժխտում, որ հնարավոր է՝ աշխատավարձի բարձրացումն ավելի գրավիչ դարձնի քննիչի աշխատանքը, սակայն դրա արդյունավետությունը բարձրացնելու համար այլ քայլեր են անհրաժեշտ:

Ուշագրավ է, որ հետպատերազմական ծանր պայմաններում առաջարկվող այս փոփոխությունն 8 ամսվա կտրվածքով բյուջեից 4 միլիարդից ավելի հավելյալ ծախս է ենթադրում։

Փաստաբան Արա Ղարագյոզյանի համար հասկանալի չէ, թե ինչու է նման բարձրացում նախատեսվում: Մի շարք աղմկահարույց գործերով տուժող կողմի շահերը պաշտպանող Ղարագյոզյանը նշում է՝ քննիչների աշխատանքն այս պահին անարդյունավետ է, շատ դեպքերում դրանք մատնանշվում են ինչպես հայաստանյան, այնպես էլ միջազգային ատյաններում:

Քննչական մարմինների աշխատավարձերի ավելացման մասին առաջին անգամ խոսել է վարչապետ Նիկոլ Փաշինյանը՝ Դատական և իրավական բարեփոխումների 2022-2026 թվականների ռազմավարության ու դրանից բխող գործողությունների ծրագրի կատարման մշտադիտարկման խորհրդի առաջին նիստի ընթացքում:

Այս պահին փաստաբանի գործունեությամբ զբաղվող Կարեն Սարդարյանը ևս տարիներ առաջ իր ուղին սկսել է քննիչի աշխատանքով: Որպես նախկին քննիչ՝ ողջունում է հավելավճարի մասով նախատեսվող փոփոխությունը, սակայն որպես փաստաբան նկատում է՝ քննիչների աշխատանքում բացերը շատ են։

Փաստաբանը նկատում է՝ սա է պատճառը, որ վերջին տարիներին Կոմիտեից արտահոսք է տեղի ունենում դեպի փաստաբանական ոլորտ։

Նախագիծը հանրային քննարկման e-draft համակարգում կմնա մինչև այս շաբաթվա վերջ, ինչից հետո կներկայացվի Կառավարության առաջիկա նիստին։ Այն այս պահին առավել շատ դիտված նախագծերի ցուցակում է։ Չնայած քննադատություններին՝ նախագիծը, ամենայն հավանականությամբ, կընդունվի, ինչպես եղավ Գլխավոր դատախազության և Հակակոռուպցիոն կոմիտեի աշխատավարձերի բարձրացման նախագծերի դեպքում։

Մանրամասները՝ տեսանյութում։

Ռոզա Վարդանյան