12.01.2026 | 20:37
Քննարկվել է Գիտության ոլորտի զարգացման 2026-2030 թվականների ռազմավարական ծրագրի նախագիծը
Բաքվում Ռուբեն Վարդանյանի շինծու գործերով դատավարությունը շարունակվել է փաստաթղթերի հրապարակմամբ
Քաղաքականություն
05.12.2025 | 20:19
Բաքվի զինվորական դատարանում Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով այսօրվա դատական նիստում նախագահող դատավոր Զեյնալ Աղաևը նշել է, գործով «տուժող» ճանաչված անձանց խումբը նախորդ նիստերին դիմել է դատարան՝ նշելով, որ հարգելի պատճառով չի կարողացել մասնակցել նիստերին, և հաստատել նախաքննության ընթացքում տված ցուցմունքները։
Կողմերը չեն առարկել այս հայտարարությունները դատարանում ընթերցելու դեմ։ Նշվել է, որ դրանք կլսվեն այսօրվա դատական նիստում։
Այնուհետև «տուժող» համարվող անձանց խմբի ցուցմունքներ են հրապարակվել, քրեական գործի նյութերում պարունակվող փորձագիտական կարծիքներ, ինչպես նաև գործին առնչվող ապացույցներ ներկայացնող արձանագրություններ ու այլ փաստաթղթեր։
Հաջորդ դատական նիստը նշանակվել է դեկտեմբերի 8-ին։
Թարգմանությունը՝ Էմմա Չոբանյանի
