23.01.2026 | 18:25
Նաիր Թիկնիզյանը մոտիվացնող գրառում է արել Եվրոպայի լիգայի փլեյ-օֆֆ դուրս գալուց հետո
ԱՄՆ-Վրաստան բիզնես ֆորումում ընդգծվել է TRIPP-ի կարևորությունը
Քաղաքականություն
05.12.2025 | 20:09
ԱՄՆ-ում Վրաստանի դեսպան Թամար Թալիաշվիլին մասնակցել է Ամերիկա-Վրաստան գործարար խորհրդի տարեկան նիստին, հայտնում է ԱՄՆ-ում Վրաստանի դեսպանատունը, գրում է վրացական Առաջին ալիքը։
Դեսպանատան հաղորդագրության համաձայն՝ դեսպանը դիմել է ներկաներին և ընդգծել վրաց-ամերիկյան հարաբերություններում նոր փուլ սկսելու կարևորությունը։ Նա նաև ընդգծել է Վրաստանի առանձնահատուկ պատմական դերը Միջին միջանցքի զարգացման գործում և նշել Վրաստանի կառավարության ջանքերի արդյունավետությունը՝ երկրի կողմից այս առաքելության լիարժեք կատարման ապահովման համար։
Այս համատեքստում նշվել է Թբիլիսիում «Մետաքսի ճանապարհ» ֆորումի հաջող կազմակերպումը, ինչպես նաև ընդգծվել նախագահ Թրամփի խաղաղության նախաձեռնության և TRIPP (Trump Route for International Peace and Prosperity) նախագծի կարևորությունը տարածաշրջանային կապի համար:
Թամար Թալիաշվիլին խոսել է նաև ԱՄՆ Պետքարտուղարության ներկայացուցիչ Ջոնաթան Ասկոնասի Վրաստան կատարած այցի մասին, որի ընթացքում ամերիկյան կողմն ընդգծել է Վրաստանի դերը վերոնշյալ նախաձեռնության զարգացման գործում:
Թարգմանությունը՝ Էմմա Չոբանյանի
