Գյուղապետը կարող է ասել՝ փող չկա,փակում եմ. գրադարանների թիվը ՀՀ-ում կիսով չափ կրճատվել է. ՏԵՍԱՆՅՈՒԹ

Լուրեր

16.11.2026 | 09:50
«Ձորակ» խնամքի կենտրոնում ՄԻՊ-ն համակարգային խնդիրներ է արձանագրել․ սննդի որակից մինչև ոչ պատշաճ պայմաններ
16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
Բոլորը

Ապրիլի 18-25-ը Հայաստանում արդեն 22-րդ անգամ անցկացվում է Ազգային գրադարանային շաբաթը, որի հիմնական նպատակն է հանրության բոլոր շերտերի ուշադրությունը հրավիրել գրքի ու գրադարանների վրա:

Հայկական գրադարանային ասոցիացիայի փոխնախագահ Ռաֆիկ Ղազարյանը փաստում է՝ Հայաստանում, 1991 թվականի տվյալներով, գործել է 1318 գրադարան, ներառյալ՝ մարզային, քաղաքային, մանկական և գյուղական գրադարանները, իսկ 2021 թվականի տվյալներով՝ Հայաստանում կա 661 գրադարան։ Ամենամեծ կորուստները կրել են գյուղական համայնքները:

«Գյուղական գրադարանների նկատմամբ կա կամայական մոտեցում: Գյուղապետը կարող է ասել՝ ես փող չունեմ և գրադարանը փակում եմ. տարիներ շարունակ այդպես էլ եղել է: 400-ից ավել գյուղական գրադարան է փակվել, ինչի՞ մասին է խոսքը, մնացածներն էլ ոչ մի միավորով չեն համալրվել»,- շեշտում է Ռաֆիկ Ղազարյանը:

Հայաստանի ԿԳՄՍ նախարարությունից մեկնաբանեցին, որ համայնքային գրադարանների կրճատման խնդիրն ուղղակիորեն կապված է համայնքների խոշորացման գործընթացի հետ։

«Այդ փուլով պայմանավորված՝ համայնքային գրադարանների թիվը նվազեց, եկավ մի շրջան, երբ գրադարանավարի հաստիքը շատ գրադարաններում պարզապես կրճատվեց: Շատ դեպքերում 15-20 միավոր ունեցող բնակավայրում մեկ գրադարան են թողել»,- ասում է ԿԳՄՍ նախարարության մշակութային ժառանգության և ժողովրդական արհեստների վարչության գլխավոր մասնագետ Նազիկ Հովասափյանը:

Հայկական գրադարանային ասոցիացիայի փոխնախագահը բարձրաձայնում է մեկ այլ խնդրի մասին։ Նրա խոսքով՝ 1991-ից հանրային բնույթի գրադարանային ֆոնդերը պակասել են 5 միլիոն հաշվառային միավորով։ Նախարարությունից էլ նշում են, որ տարիներով չեն համալրվում հենց համայնքային գրադարանները։ Մեկ այլ խնդիր է գրադարանավարների ցածր աշխատավարձը՝ նվազագույնը 68 հազար դրամ։ Բազմաթիվ խոստումնալից կադրեր լքում են գրադարանները հենց ցածր աշխատավարձի պատճառով։ Նախարարությունից, սակայն, նշում են, որ այդ հարցի լուծումն իրենց գործառույթների մեջ չի մտնում․ դա ուղղակիորեն կապված է Հայաստանում նվազագույն աշխատավարձի չափի հետ, որը սահմանողն իրենք չեն։

Մանրամասները՝ տեսանյութում:

Աննա Բաբաջանյան