04.09.2026 | 12:43
Թրամփն իր սոցցանցում հրապարակել է Ուիթկոֆի հոդվածը՝ նվիրված Հայաստանի ու Ադրբեջանի միջև խաղաղությանը
Տպավորություն կա, թե մենք ուզում ենք խաչ քաշել Սփյուռքի նախարարության վրա․ Նիկոլ Փաշինյան․ ՏԵՍԱՆՅՈՒԹ
Քաղաքականություն
10.01.2019 | 11:30
Վարչապետի պաշտոնակատար Նիկոլ Փաշինյանը Կառավարության հունվարի 10-ի նիստի ժամանակ օրակարգային հարցերի քննարկումից առաջ անդրադարձավ Կառավարության կառուցվածքի փոփոխության, նախարարությունների թվի կրճատման խնդրին և դրա հետ կապված հնչող քննադատություններին։
Ըստ Նիկոլ Փաշինյանի՝ այս գործընթացի նպատակն ամենևին էլ փող խնայելը չէ, այլ՝ պետական կառավարման մարմինների արդյունավետության բարձրացումը։
«Մենք Կառավարությունում մի քանի քննարկումներ ենք ունեցել և համոզված ենք, որ պետք է շարժվել այս ճանապարհով։ Այս ընթացքում մենք կլսենք բոլոր կողմերի տեսակետները»,- ասաց Փաշինյանը՝ առանձնահատուկ ուշադրություն հրավիրելով Սփյուռքի նախարարության հետ կապված քննադատություններին։
«Տպավորություն կա, թե մենք ուզում ենք խաչ քաշել Սփյուռքի նախարարության վրա, ընդհակառակը՝ կա խնդիր սփյուռքի հետ Կառավարության համագործակցությունը դարձնել առավել արդյունավետ։ Սփյուռքի հետ հարաբերությունների մակարդակը ոչ թե կնվազեցվի, այլ կբարձրացվի։ Այդ հարցով մենք մոտ օրերս քննարկումներ կունենանք սփյուռքի մեր հայրենակիցների հետ։ Մեր խնդիրը հարբերությունների արդյունավետության բարձրացումն է, որ փոխադարձաբար գոհ լինենք արդյունքներից։ Մենք կգնանք հետևողական և հաստատուն, մտածված քայլերով»,- ասաց Նիկոլ Փաշինյանը։
Մանրամասները՝ տեսանյութում։
