«Լուսավոր Հայաստանն» ամեն ինչ կանի, որ մարդիկ չգնան այլ երկիր՝ իրենց իրացնելու. Էդմոն Մարուքյան. ՏԵՍԱՆՅՈՒԹ

Հայաստանում իշխանության հարցը լուծված է, իսկ դեկտեմբերի 9-ին ժողովուրդը որոշելու է, թե որո՞նք են լինելու խորհրդարան անցնող մյուս ուժերը: Նոյեմբերի 29-ին քարոզարշավի շրջանակում Մարտունիում ընտրողների հետ հանդիպմանն այս մասին հայտարարեց «Լուսավոր Հայաստան» կուսակցության նախագահ Էդմոն Մարուքյանը:

««Լուսավոր Հայաստան» կուսակցությունը գիտակցում է, որ հետհեղափոխական ժամանակներ են: Այն ուժը, որը հեղափոխություն է իրականացրել, ունի ժողովրդի աջակցությունը և պիտի լինի իշխանություն: Բայց դեկտեմբերի 9-ին ժողովուրդը որոշելու է, թե որո՞նք են մյուս ուժերը: Ունենալու ենք ուժեր, որոնք պատգամավոր կտանեն նրանց, որոնք զբաղվելու են բիզնեսո՞վ, թե՞ կզբաղվեն քաղաքացու ամենաօրյա դարդ ու ցավով»,- հայտարարեց Մարուքյանը:

Նրա խոսքով՝ ռեժիմի դեմ պայքարի խնդիր այլևս չունենք. ռեժիմը տապալված է, և հիմա պետք է ամեն ինչ անել, որ դեկտեմբերի 9-ին ունենանք այնպիսի խորհրդարան, որն այլևս երբեք թույլ չի տա ռեպրեսիաներ:

Էդմոն Մարուքյանը խոսեց իր ղեկավարած կուսակցության ծրագրերի, մարդկանց ազատությունների, նրանց համար ստեղծվելիք հնարավորությունների մասին. ««Լուսավոր Հայաստանն» ամեն ինչ կանի, որ զոհվածների ընտանիքները լինեն պետական հոգածության և ուշադրության կենտրոնում, ամեն բան կանի, որ աշխատատեղ լինի Հայաստանում, պետական ուշադրություն լինի, հնարավորություններ լինեն, որ մարդիկ կարողանան իրենց իրացնել, ոչ թե գնան այլ երկրներ՝ իրենց իրացնելու, այլ դա անեն այստեղ՝ Հայաստանում»:

Մանրամասները՝ տեսանյութում