16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
ՏԱՐԱԿԱՐԾԻՔ. Մասնավոր բուհերի լիցենզավորման խստացումը համակարգի առողջացմա՞ն, թե՞մենաշնորհացմանն ուղղված քայլ
Հասարակություն
08.08.2017 | 15:00
Կրթության և գիտության նախարար Լևոն Մկրտչյանը օրերս հայտարարեց, որ առաջիկայում «Բարձրագույն կրթության մասին» ՀՀ նոր օրենքի նախագծի մշակմամբ պայմանավորված փոփոխության կենթարկվի նաև մասնավոր բուհերին տրվող լիցենզավորման կարգը: Չնայած նրան, որ լիցենզավորման կարգը գրեթե ամեն տարի վերանայվում է, այնուամենայնիվ, նախարարությունը որոշել է առավել խիստ պահանջներ ներկայացնել բուհերին:
Գործող կարգով մինչ այժմ մասնավոր բուհերին լիցենզիան տրվում էր անժամկետ, առաջարկվող փոփոխություններով, սակայն, հստակ ժամկետներ են սահմանվելու: Բացի դա, բուհը պարտավորվելու է ներկայացնել 5 տարվա ռազմավարական ծրագիր, ինչպես նաև պայմանագիր պետք է կնքի երկու այնպիսի բուհի հետ, որոնք անցել են ինստիտուցիոնալ հավատարմագրում:
Մինչ նախարարությունը հիմնավորում է նախատեսվող խստացումները, մասնավոր բուհերի ղեկավարների կողմից հնչում են մտահոգություններ, որ բուհերի համար ստեղծվում են անհավասար պայմաններ:
Նշենք, որ 2009 թվականից սկսած 68 բուհից 37-ը փակվել է: Այժմ Հայաստանում գործում է 31 մասնավոր բուհ, որից ինստիտուցիոնալ հավատարմագրում ունեն միայն 4-ը:
Ի վերջո, ո՞րն է լիցենզավորման կարգի խստացման նպատակը, և ի՞նչ հետևանք այն կունենա: Թեմայի շուրջ Factor.am-ը զրուցել է Կրթության և գիտության նախարարության լիցենզավորման գործակալության պետ Մովսես Մովսիսյանի և Հյուսիսային համալսարանի ռեկտոր Բորիս Մակիչյանի հետ:
Շողիկ Գալստյան
