Գավառի վենդետա. Ոստիկանության տապալումը կարագացնի՞ փոփոխությունները կառույցում. ՏԵՍԱՆՅՈՒԹ

Լուրեր

29.03.2024 | 23:58
ՍԴ դատավորի թեկնածուի ընտրության ժամանակ Խաչատուրյանի ստացած որոշիչ ձայնի վավերության շուրջ բանավեճ է սկսվել
29.03.2024 | 23:31
Ավտոմեքենան դուրս է եկել ճանապարհի երթևեկելի հատվածից և հայտնվել գետում. վարորդի վիճակը միջին ծանրության է
29.03.2024 | 23:30
Վերջին հարցումների համաձայն՝ Ստամբուլի ընդդիմադիր քաղաքապետը մեծացրել է առավելությունը Էրդողանի կուսակցության թեկնածուի նկատմամբ
29.03.2024 | 23:16
Ադրբեջանում պատգամավորն առաջարկել է «Կրոկուս»-ում ահաբեկչության հետ կապված Մեջլիսի արտահերթ նիստ հրավիրել
29.03.2024 | 22:56
Կան բոլոր նախադրյալները՝ փոխգործակցությունը նոր մակարդակի հասցնելու. ԲՏԱ նախարարն ընդունել է Իրանի դեսպանին
29.03.2024 | 22:48
Զինծառայող Ժորա Կարապետյանին անզգուշությամբ ինքնասպանության հասցնելու մեղադրվում է 2 անձ․ վարույթի նյութերն ուղարկվել են դատարան
29.03.2024 | 22:35
Բաքվում լրտեսության մեջ մեղադրվող Իրանի քաղաքացին դատապարտվել է 12 տարվա ազատազրկման
29.03.2024 | 22:21
Դավիթ Գյուրջինյանն ընտրվել է Բրյուսովի անվան պետական համալսարանի ռեկտոր
29.03.2024 | 22:09
Ճապոնիայում 5 մարդ է մահացել, 19-ը՝ հիվանդանոցում հայտնվել սննդային հավելումների պատճառով
29.03.2024 | 21:55
Հրանտ Դինքի սպանության գործով մեղադրյալները նոր բացահայտումներ են անում
29.03.2024 | 21:41
Զորական գյուղում տուն է այրվել. հայտնաբերվել է դի
29.03.2024 | 21:24
Ուկրաինան Համաշխարհային բանկից 1,5 միլիարդ դոլար է ստացել
29.03.2024 | 21:10
Փաշինյանը զգուշացնում է Շահրամանյանին․ ինչով են զբաղված ՀՀ-ում Արցախի ներկայացուցչության շենքում․ ՏԵՍԱՆՅՈՒԹ
29.03.2024 | 21:00
Հովհարային անջատումներով արդարադատություն․ ՏԵՍԱՆՅՈՒԹ
29.03.2024 | 20:45
Լյովա Սարգսյանի դստեր ՍՊԸ-ն Փաշինյանին ուղեկցող ոստիկաններին է տեղափոխում. 600 մլն դրամ է ստացել՝ 4 տարում. ՏԵՍԱՆՅՈՒԹ
Բոլորը

Մինչ իշխանությունները քրեական ենթամշակույթի դեմ են փորձում պայքարել` օրենքներ ընդունելով, նման բարքերի դրսևորումներն ավելի ցցուն են դառնում։ Ընդ որում՝ ռազբորկաները, որոշ դեպքերում անգամ վենդետաները իրականացվում են օրը ցերեկով՝ հանրային վայրերում:

Նախօրեին Գավառում տեղի ունեցածն իր դաժանությամբ, մասշտաբներով և հանդգնությամբ աննախադեպ էր։

Հիշեցնենք, որ Գավառում նախ օրը ցերեկով կրակոցներ էին հնչել մի քանի տասնյակի հասնող անձանց կողմից, որի հետևանքով երկու քաղաքացի էր զոհվել, ապա կազմակերպված, ըստ Գեղարքունիքի մարզպետի, 500 հոգանոց խմբով հարձակվել են Գավառի հիվանդանոցի վրա և դանակահարել այդ կրակոցների հետևանքով հիվանդանոցում հայտնված ու բուժօգնություն ստացող քաղաքացիների՝ նրանց պատճառելով ծանր վնասվածքներ։

Այս դեպքերից հետո քննարկման թեմա է դարձել Ոստիկանության գործելաոճը։ Լրատվամիջոցներում և սոցիալական ցանցերում համատարած էր տեսակետը՝ այդ միջադեպը ևս մեկ անգամ ապացեց, որ ուժային կառույցներն իրենց տեղում չեն։ Շատերը սկսեցին բարձրացնել հարցը՝ ինչպես էր հնարավոր ոստիկանների հսկողության պարագայում մտնել հիվանդանոց ու դանակահարել բուժօգնություն ստացողներին։ Ինչու այդ ընթացքում Ոստիկանության աշխատակիցները, թեկուզ նախազգուշական կրակոց չեն արձակել։

Իրազեկ քաղաքացիների միավորում ՀԿ-ի ծրագրերի համակարգող Դանիել Իոաննիսյանն ասում է՝ Ոստիկանության ծառայողներից շատերին ուղղակի հրազեն չեն տալիս: «Ոստիկանության ծառայողների մի մասն այն աստիճան ոչ կոմպետենտ է, որ եթե իրենց ձեռքը հրազեն տային՝ կարող է ավելի վտանգավոր լիներ, ՊՊԾ-ի ժամանակ ոստիկանության ձեռքը հրազեն կար և ի՞նչ եղավ, միակ անգամը, որ այդ հրազենը օգտագործվեց այն էր, որ «Սասնա ծռերը» եկան այդ հրազենը վերցրեցին և գերեվարեցին ՀՀ ոստիկանապետին և փոխոստիկանապետին»,- նշեց նա։

Ոստիկանությունը մինչ այժմ ձեռնպահ է մնում մեկնաբանելուց, թե քանի ոստիկանի կողմից էր հսկվում Գավառի հիվանդանոցը և ինչու նրանց չի հաջողվել կանխել այս գրոհը։ Գեղարքունիքի մարզպետը երեկ հայտարարեց, որ հարձակման պահին հիվանդանոցում են գտնվել ոստիկանության բարձրաստիճան պաշտոնյաներ:

«Մեղավորներից առաջինը հենց Ոստիկանությունն է, որը համարժեք գործողություններ չի իրականացրել, ես կարող եմ ասել, որ այնտեղ մեծ թվով ոստիկաններ են եղել, նրանք չեն կարողացել կիրառել այն կաննոները որոնք պետք է կիրառեին, այլ արել են այն, ինչ կարողացել են։ Ոստիկանության՝ 18 ժամ հետո տարածած հայտարարություն էլ այն մասին էր, որ ոստիկանապետը այնտեղ չի եղել, կարծես թե, դա միակ մտահոգությունն էր, սա անհավանական պատմություն է»,- ասում է իրավապաշտպան Ժաննա Ալեքսանյանը։

Իրավապաշտպան Զարուհի Հովհաննիսյանն էլ խիստ մտահոգիչ է համարում այն, որ դեպքից երկու օր անց էլ մենք դեռևս չունենք ամբողջական պաշտոնական տեղեկատվություն, թե ինչ է, ի վերջո, կատարվել Գավառում, որն է եղել շարժառիթը, քանի տուժած կա և ինչ աստիճանի են վնասները։ Մինչդեռ իշխանական խմբակցության պատգամավոր, ՃՈ պետի նախկին տեղեկալ Արմեն Խաչատրյանի կարծիքով, Ոստիկանության կողմից տեղեկատվական պասիվությունը բխում է գործի շահերից։

Ոստիկանական համակարգում աշխատանքի փորձառություն ունեցող իշխանական պատգամավորը նաև կարծում է, թե ի շնորհիվ Ոստիկանության է, որ հիվանդանոցում ավելի ծանր դեպքեր չեն եղել։

Իրավապաշտպանները բարձրաձայնում են Ոստիկանության համակարգում արմատական փոփոխություններ անելու հարցը:

Նշենք, որ ուժային կառույցներում փոփոխություններ կատարելու անհրաժեշտության մասին դեռևս ամիսներ առաջ խոսել էր նաև վարչապետ Նիկոլ Փաշինյանը:

Թե ինչ քայլեր են արվել այդ բարեփոխումները կյանքի կոչելու համար հայտնի չէ։

Հավելենք , որ Գավառում իրավիճակը շարունակում է լարված մնալ, իրավապահները մտահոգված են, որ վենդետան կարող է շարունակություն ունենալ։

Մանրամասները՝ տեսանյութում։

Լիլիթ Շաբոյան