18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ադրբեջանի ընդդիմության ղեկավարը կմնա կալանքի տակ. դատարանի ճանապարհին նաև ավելի քան 20 ակտիվիստ է ձերբակալվել
Քաղաքականություն
05.12.2025 | 19:13
Բաքվի վերաքննիչ դատարանը քննել է Ադրբեջանի ընդդիմադիր «Ժողովրդական ճակատ»կուսակցության նախագահ Ալի Քերիմլիի կալանավորման որոշման դեմ բողոքը։ Դատարանն ուժի մեջ է թողել Սաբայիլի շրջանային դատարանի որոշումը, գրում են տեղական լրատվամիջոցները։
«Ժողովրդական ճակատ» կուսակցությունը հայտնում է, որ դատարանի շենքի դիմաց հավաքված ավելի քան 20 ակտիվիստներ ձերբակալվել են ոստիկանության կողմից։ Ավելին, հաղորդվում է, որ դատարան ժամանողների համար որոշակի խոչընդոտներ են ստեղծվել։
Ձերբակալվածների թվում են եղել նաև կուսակցության կազմակերպչական բաժնի ղեկավար Սագիֆ Գուրբանովը և կուսակցության Բինագադիի մասնաճյուղի նախագահ Ռամիդ Նագիևը։
Միևնույն ժամանակ, դատարանում ինտերնետն արգելափակվել է։
Բաքվի Սաբայիլի շրջանային դատարանն ավելի վաղ 2 ամիս 15 օր ժամկետով կալանավորել էր Ալի Քերիմլիին: Նա ձերբակալվել էր Պետական անվտանգության ծառայության (ՊԱԾ) կողմից։ Նրան մեղադրանք է առաջադրվել Ադրբեջանի քրեական օրենսգրքի 278.1 հոդվածով (իշխանությունը բռնի զավթելու կամ պետության սահմանադրական կարգը բռնի կերպով փոխելուն ուղղված գործողություններ):
Կառավարամետ լրատվամիջոցները հաղորդում են, որ նա ձերբակալվել է Ռամիզ Մեհդիևի գործի շրջանակներում։
Թարգմանությունը՝ Էմմա Չոբանյանի
