Գլխավոր դատախազի տեղակալ Անահիտ Մանասյանը նոյեմբերի 29-ին ընդունել է ԵԽ իրավական բարեփոխումների և մարդու իրավունքների հարցերով համագործակցության ծրագրերի բաժնի փոխտնօրեն Լիլիթ Դանեղյանին, ծրագրի ղեկավար Գայանե Հովհաննիսյանին և ծրագրի ազգային համակարգող Թամարա Բարբակաձեին․ տեղեկացնում են ՀՀ գլխավոր դատախազությունից։ Հանդիպման ընթացքում Անահիտ Մանասյանը բարձր է գնահատել մարդու իրավունքների և իրավունքի գերակայության երաշխավորման, ինչպես նաև ժողովրդավարության ամրապնդման գործում …

Նոյեմբերի 30-ից դեկտեմբերի 2-ը ՀՀ ԱԳ նախարար Արարատ Միրզոյանն աշխատանքային այց կկատարի Լեհաստանի Լոձ քաղաք՝ մասնակցելու ԵԱՀԿ նախարարական 29-րդ համաժողովին․ տեղեկացնում են ՀՀ ԱԳՆ-ից։ «Այցի շրջանակներում տեղի կունենան նաև մի շարք երկկողմ հանդիպումներ»,- ասված է հաղորդագրությունում։

«Ճանապարհային դեպարտամենտ» հիմնադրամը տեղեկացնում է, որ նոյեմբերի 30-ին՝ ժամը 09։00-ի դրությամբ, Մեղրիի, Հրազդանի և Ճամբարակի տարածաշրջաններում ձյուն է տեղում, իսկ Գորիսի և Թումանյանի տարածաշրջաններում՝ անձրև։ Տավուշի տարածաշրջանի ավտոճանապարհներին մառախուղ է, տեսանելիությունը՝ 200 մետր։ Միջպետական և հանրապետական նշանակության բոլոր ավտոճանապարհները բաց են: Վթարներից, պատահարներից և խցանումներից խուսափելու համար վարորդներին խորհուրդ է տրվում երթևեկել ձմեռային անվադողերով:

Նոյեմբերի 29-ին՝ ժամը 23:10-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանագոտու արևելյան հատվածում տեղակայված հայկական դիրքերի ուղղությամբ: Հակառակորդը կիրառել է նաեւ ականանետ․ տեղեկացնում են ՀՀ ՊՆ-ից։ Հայկական կողմը կորուստներ չունի: Նոյեմբերի 30-ի՝ ժամը 08:30-ի դրությամբ, իրադրությունն առաջնագծում հարաբերականորեն կայուն է:

Թուրքիայի վեց ընդդիմադիր կուսակցությունները, որոնք միավորվել են փոխելու Թուրքիայում նախագահական ռեժիմը,  «Ուժեղացված խորհրդարանական համակարգ» խորագրի ներքո ներկայացրել են  նոր սահմանադրության նախագիծը, գրում են թուրքական լրատվամիջոցները։ Ընդդիմադիր այս դաշինքը բաղկացած է Ժողովրդահանրապետական կուսակցությունից (CHP), İYİ (Լավ) կուսակցությունից, Երջանկություն (Saadet) կուսակցությունից, Դեմոկրատական կուսակցությունից (DP), DEVA (Ժողովրդավարություն և առաջադիմություն) կուսակցությունից և Ապագա (Gelecek) կուսակցությունից։ Նրանք 2022թ-ի փետրվարից պարբերաբար …

Ամանորի և Սուրբ Ծննդյան տոների կապակցությամբ ԱՄՆ առաջին տիկին Ջիլ Բայդենը զարդարել է Սպիտակ տունը։ Իր աշխատանքի արդյունքը նա ցուցադրել է Twitter-ում  հրապարակված լուսանկարով։ Այս տարվա զարդանքի խորհրդանշական թեման We the People-ն է, ինչը թարգմանաբար նշանակում է «Մենք՝ ժողովուրդը»: Նախագահական նստավայրում տոնական մթնոլորտը կարող է վայելել ավելի քան 50 հազար մարդ։ Կորոնավիրուսի համաճարակից հետո առաջին անգամ …

Նոյեմբերի 30-ին՝ ժամը 14։45-ից 15։30-ն ընկած ժամանակահատվածում, «Կոկա-կոլա ՀԵլլենիկ Բոթլինգ Քամփնի Արմենիա» ՓԲԸ-ում անցկացվելու է «Գործողություններ արտակարգ իրավիճակներում» թեմայով վարժանք՝ էլեկտրաշչակի գործարկմամբ։ Այս մաիսին հայտնում են ԱԻՆ-ից և խնդրում չանհանգստանալ։

ՆԱՏՕ-ի գլխավոր քարտուղար Յենս Ստոլտենբերգը վերահաստատել է դաշինքի հավատարմությունը Ուկրաինայի անդամակցությանը և վստահություն հայտնել, որ նախկին խորհրդային հանրապետությունը կարող է ապագայում դառնալ դրա անդամ, գրում է VOA-ն։ «ՆԱՏՕ-ի դուռը բաց է. Ռուսաստանը վետոյի իրավունք չունի», – ասել է Ստոլտենբերգը Ռումինիայի մայրաքաղաք Բուխարեստում ՆԱՏՕ-ի արտգործնախարարների երկօրյա հանդիպման ժամանակ։ ՆԱՏՕ-ի ղեկավարը նշել է, որ Ֆինլանդիան և Շվեդիան …

Նոյեմբերի 29-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է վարչության նախագահ, ՀՀ վարչապետ Նիկոլ Փաշինյանը: Այս մասին հայտնում է ՔՊ մամուլի ծառայությունը։ «Հաստատվել է Կուսակցության աշխատակազմի հաստիքացուցակը։ Վարչության նախագահի առաջարկությամբ Վահագն Ալեքսանյանը նշանակվել է Վարչության նախագահի տեղակալ՝ զարգացման և կապերի գծով, իսկ Գևորգ Պապոյանը՝ Վարչության նախագահի տեղակալ՝ տարածքային կազմակերպությունների համակարգման գծով։ …

2021- 2022 թթ. առողջապահության նախարարությունը 1 միլիարդ 300 միլիոն դրամ է հատկացրել 44-օրյա պատերազմում վիրավորում ստացած զինծառայողների վերականգնողական բուժման համար։ Այս մասին տեղեկանում ենք ԱՆ մամուլի ծառայությունից։ Երևանում և տարբեր մարզերում գործող վերականգնողական կենտրոններում պետպատվերի շրջանակներում 4000 դեպքով մատուցվել է վերականգնողական ծառայություն։