Ադրբեջանի ԱԳՆ-ն հաղորդագրություն է տարածել՝ անդրադառնալով ՀՀ-ի մարդասիրական քայլին, որի մասին երեկ հայտնել էր ՀՀ ԱԱԾ-ն։  Հաղորդագրության մեջ ասվում է, որ «Բաքուն ի գիտություն է ընդունում Հայաստանի Ազգային անվտանգության ծառայության 2024 թվականի հունվարի 25-ի հայտարարությունը Ադրբեջանին ականների քարտեզներ տրամադրելու մտադրության մասին»։ Բաքուն մեղադրանքներ է հնչեցրել ՀՀ-ի հասցեին՝ պնդելով, թե «Հայաստանն իրականացրել է ադրբեջանական տարածքների զանգվածային …

Վարչապետ Նիկոլ Փաշինյանն աշխատանքային այցով կմեկնի Վրաստան․ տեղեկացնում են ՀՀ վարչապետի աշխատակազմից։ Թբիլիսիում այսօր կկայանա Հայաստանի և Վրաստանի միջև տնտեսական համագործակցության միջկառավարական հանձնաժողովի հերթական նիստը: Նախատեսված է նաև վարչապետ Փաշինյանի առանձնազրույցը Վրաստանի վարչապետ Իրակլի Ղարիբաշվիլիի հետ:

Աշխարհի խոշորագույն հումքային բորսաների հունվարի 25-ի առևտրային նստաշրջանների արդյունքում սահմանվել են նավթի հետևյալ գները. Նյու-Յորքի NYMEХ (New York Merchantile Exchange) բորսա՝ WTI (Light Sweet) տեսակի նավթի գինն աճել է 1.98%-ով և կազմել 76.88 դոլար։ Լոնդոնի IСE (InterContinental Exchange Futures) բորսա՝ Brent տեսակի նավթի գինն աճել է 2.24%-ով և կազմել 82.10 դոլար: Նավթի չափման միավորը բարելն …

Հայաստանի ֆուտբոլի ազգային թիմի պաշտպան Նաիր Տիկնիզյանի տեղափոխությունը «Զենիթ» չի կայանա: «Արմենպրես»-ի հաղորդմամբ` այս մասին գրում են ռուսական ԶԼՄ-ները: Տիկնիզյանի տեղափոխությունը ձախողվել է ֆուտբոլիստի վարձատրության պայմանների պատճառով: Տիկնիզյանն, ով «Լոկոմոտիվ»-ում ստանում է 500 հազար եվրո աշխատավարձ, Սանկտ-Պետերբուրգի «Զենիթ»-ից պահանջել է 2 միլիոն եվրո աշխատավարձ: Կողմերը չեն հասել ընդհանուր հայտարարի:

Թուրքիան ավարտել է Շվեդիայի՝ ՆԱՏՕ-ին անդամակցության  հայտի վավերացման գործընթացը։ Թուրքական լրատվամիջոցների հաղորդմամբ՝ նախագահ Ռեջեփ Թայիփ Էրդողանը հավանություն է տվել խորհրդարանի որոշմանը։ «Նախագահ Ռեջեփ Թայիփ Էրդողանը  հաստատել է Հյուսիսատլանտյան դաշինքին  Շվեդիայի անդամության որոշումը, որն ընդունել էր Թուրքիայի Ազգային Մեծ ժողովը։ Էրդողանը ստորագրել է նախագահական հրամանը ՆԱՏՕ-ին Շվեդիայի  անդամակցության վերաբերյալ և հաստատել համապատասխան արձանագրությունը»,-ասվում նախագահականի տարածած հաղորդագրության …

Դատախազը 2023 թվականի նոյեմբեր-դեկտեմբեր ամիսներին հաստատել է Սյունիքի մարզում տեղակայված՝ ծանրաքաշ մեքենաների կշռման հենակետով գերբեռնված բեռնատարների ելքը թույլ տալու համար կաշառք ստացած պաշտոնատար անձանց, վերջիններիս օժանդակողների և կաշառք տված վարորդների վերաբերյալ մեղադրական եզրակացությունները և վարույթի նյութերի հետ հանձնել Հակակոռուպցիոն դատարան․ տեղեկացնում են ՀՀ գլխավոր դատախազությունից։ Հակակոռուպցիոն կոմիտեում քննված քրեական վարույթներով պարզվել է. Քաղաքաշինության, տեխնիկական և …

Պետական եկամուտների կոմիտեն հայտնում է, որ ՊԵԿ պաշտոնական կայքում հրապարակվել է 2023 թ. հունվար-դեկտեմբեր ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը: 1000 խոշոր հարկ վճարողների կողմից 2023 թ. հունվար-դեկտեմբեր ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 710 միլիարդ 577 միլիոն դրամ: Հարկային մարմին …

Միջերկրական ծովից հերթական ցիկլոնի ներթափանցմամբ պայմանավորված՝ այսօր ուշ երեկոյան ժամերից Շիրակում, Արագածոտնում և Կոտայքում, հունվարի 27-ին հանրապետության ամբողջ տարածքում սպասվում է ձյուն, Շիրակում, Արագածոտնում, Կոտայքում և Վայոց ձորում՝ ինտենսիվ․ տեղեկացնում են «Հիդրոօդերևութաբանության և մոնիթորինգի կենտրոն»-ից։ Հանրապետության առանձին վայրերում կդիտվի քամու ուժգնացում՝ 15-18մ/վ արագությամբ, լեռնային առանձին շրջաններում սպասվում է բուք, ցածր հորիզոնական տեսանելիություն։ Հունվարի 28-ի լուսադեմից …

Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները հունվարի 26-ին դրությամբ՝ ըստ rate.am-ի: Ամերիկյան մեկ դոլարը գնվում է 398 դրամ նվազագույն և 402 դրամ առավելագույն փոխարժեքով, վաճառվում՝ 406 դրամ նվազագույն և 407,50 դրամ առավելագույն փոխարժեքով: Մեկ եվրոն գնվում է 427 դրամ նվազագույն և 435 դրամ առավելագույն փոխարժեքով, վաճառվում՝ 442 դրամ նվազագույն և 448 …

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է կցորդիչով բեռնատարների համար։ Վարորդներին խորհուրդ է տրվում երթևեկել բացառապես ձմեռային անվադողերով։