ԱԺ նախագահ Ալեն Սիմոնյանը շնորհավորական ուղերձ է հղել Հանրապետության տոնի առթիվ։ Ուղերձում ասվում է․ «Սիրելի՛ հայրենակիցներ, Այսօր մենք տոնում ենք մեր պատմության կարեւորագույն իրադարձություններից մեկը՝ Հայաստանի առաջին հանրապետության հիմնադրման օրը: 1918 թվականի մայիսի 28-ին՝ Սարդարապատի, Բաշ-Ապարանի, Ղարաքիլիսայի հերոսամարտերից հետո, վերականգնվեց դարեր շարունակ խաթարված հայոց պետականությունը: Հայ ժողովուրդն իր առջեւ ծառացած ծանրագույն ժամանակաշրջաններից մեկն ապրելով` կարողացավ …

Ն. Ս. Օ. Տ. Տ. Գարեգին Բ ամենայն հայոց կաթողիկոսը ուղերձ է հղել Հանրապետության տոնի առիթով։ Ուղերձում ասված է․ «Համայն հայության հոգևոր կենտրոն Մայր Աթոռ Սուրբ Էջմիածնից Մեր օրհնությունն ու բարեմաղթանքներն ենք հղում աշխարհասփյուռ մեր ժողովրդին՝ Հանրապետության տոնի առիթով։ Մայիսյան հերոսամարտերի պատմական իրադարձությունները անկյունաքարային նշանակություն ունեցան հայոց պետականության վերականգնման՝ Հայաստանի Առաջին Հանրապետության ստեղծման և մեր ազգային կյանքի վերազարթոնքի գործում։ …

Մայիսի 28-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Բրյուսել։ Այս մասին տեղեկացնում են ՀՀ ՊՆ-ից։

ՀՀ վարչապետ Նիկոլ Փաշինյանը շնորհավորական ուղերձ է հղել Հանրապետության տոնի առթիվ։ Ուղերձում ասվում է․ «Սիրելի՛ ժողովուրդ, Հայաստանի Հանրապետության սիրելի՛ քաղաքացիներ, Այսօր նշում ենք Հանրապետության տոնը, որը մեր պետական տոնացույցի կարեւորագույն օրերից է: Այն նախ խորհրդանշում է հայոց պետականության վերականգնումը, որ շուրջ 400 տարվա ընդմիջումից հետո, 1918 թվականի մայիսի 28-ին՝ Սարդարապատի, Բաշ-Ապարանի, Ղարաքիլիսայի ճակատամարտերից հետո տեղի …

Այսօր Հայաստանի առաջին հանրապետության հիմնադրման օրն է: «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանն աջակիցների հետ գիշերել է Սարդարապատում: Նրանք երեկ Շահումյանի հրապարակից ավտոերթով շարժվեցին դեպի հուշահամալիր: Այսօր ժամը 10:00-ին Գալստանյանն ուղերձ կհղի, որից հետո կվերադառնան Երևան: Արդյոք Նիկոլ Փաշինյանը ևս կայցելի հերոսամարտի հուշահամալիր, այս պահին պաշտոնական մեկնաբանություն դեռ չկա:

ՀՀ կառավարությունը որոշում է ընդունել, համաձայն որի`Հայաստանի Հանրապետության Լոռու եւ Տավուշի մարզերում 2024 թվականի մայիսի 25-26-ը տեղացած հորդառատ անձրեւներով պայմանավորված հեղեղումների պատճառով առաջացած արտակարգ իրավիճակի հետեւանքով Հայաստանի Հանրապետության Լոռու եւ Տավուշի մարզերի մի շարք համայնքներ հայտարարվել են աղետի գոտիներ եւ սահմանվել դրանց տարածքները՝ համաձայն հավելվածի: Ավելին՝ այստեղ։

Թուրքիայի կողմից Իրանի հանգուցյալ նախագահ Էբրահիմ Ռաիսիի և արտգործնախարար Հոսեյն Ամիր Աբդոլլահիանի համար ազգային սգո և փառաբանության օր հայտարարելը չի ​​հարթում երկու երկրների միջև առկա բազմաթիվ աշխարհաքաղաքական տարաձայնությունները: Այս մասին ասվում է Al Monitor-ի անդրադարձում։ Հիշեցնենք՝ Իրանի նախագահը, ԱԳ նախարարն ու մյուս պաշտոնյաները մահացել են մայիսի 19-ին, երբ նրանց ուղղաթիռը կործանվել է Թեհրան վերադառնալիս։ Լրատվամիջոցը …

Ադրբեջանի բանակի զինծառայող Էլվին Էյվազովը խեղդվել է Սամուր-Դևեչի-Աբշերոն ջրանցքում։ Այս մասին Ադրբեջանի ՊՆ-ից հայտնել են տեղական լրատվամիջոցներին։ Դեպքի առթիվ կատարվում է քննություն։ Ըստ լրատվամիջոցների տեղեկությունների՝ 22-ամյա Էյվազովը Խաչմազի շրջանի Խուդաթ գյուղից է։

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ մայիսի 29-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Շիրազի փ. 6, 8, 10, 12, 14 շենքեր, Շահումյան 4-րդ փողոց և հարակից ոչ բնակիչ-բաժանորդներ, Նոր Նորք 2-րդ զանգ.՝ Նոր Նորքի վարչական շրջանի շենք, Մոլդովական փ. 41 շենք, թիվ 17 հատուկ …