ԱՄՆ պետքարտուղար Մարկո Ռուբիոն հերքել է տեղեկությունները, որ Սպիտակ տունը քննարկում է «Հյուսիսային հոսք 2»-ի նկատմամբ պատժամիջոցների չեղարկման հնարավորությունը Ուկրաինայի հարցի խաղաղ կարգավորման ընթացքում։ Այս մասին ավելի վաղ հայտնել էր Politico-ն։ «Սա միանշանակ սուտ է։ Ո՛չ Սթիվ Ուիթկոֆը, ո՛չ էլ ես որևէ զրույց չենք ունեցել Ռուսաստանի դեմ պատժամիջոցների վերացման մասին՝ որպես Ուկրաինայի հետ համաձայնագրի մաս։ …

Ուրուգվայում տեղի է ունեցել Հայոց ցեղասպանության 110-րդ տարելիցի ոգեկոչման արարողություն․ այս մասին նշված է Ուրուգվայում ՀՀ դեսպանության տարածած հաղորդագրության մեջ:  Ընդգծվում է, որ միջոցառումը կազմակերպվել է Ուրուգվայի Ներկայացուցիչների պալատի նախագահության և տեղի Հայ դատի խորհրդի կողմից։

Հայաստանում ԵՄ առաքելության գործունեության մեկնարկից ի վեր Ադրբեջանի հետ սահմանի հայկական կողմում բազմաթիվ ռազմական օբյեկտներ են կառուցվել։ Նման պնդմամբ է հանդես եկել Ադրբեջանի Միլլի Մեջլիսի Արտաքին միջամտությունների և հիբրիդային սպառնալիքների դեմ պայքարի ժամանակավոր հանձնաժողովի նախագահ Ռամիդ Նամազովը Մեջլիսում հանրային լսումների ժամանակ։ Նա նշել է, որ, իբր, այդ փաստերը հավաքվել են դիտարկումների հիման վրա։ «Պատերազմից հետո …

Ապրիլի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնի միաբանների ուղեկցությամբ այցելեց Ծիծեռնակաբերդի հուշահամալիր՝ ոգեկոչելու Հայոց Ցեղասպանության սուրբ նահատակների հիշատակը: Հուշահամալիրում ծաղկեպսակի զետեղումից հետո Նորին Սրբության նախագահությամբ կատարվեց Հայոց Ցեղասպանության սուրբ նահատակների բարեխոսական կարգ:

Վարչապետ Նիկոլ Փաշինյանն ընդունել է Ամերիկայի Հայ Ավետարանչական ընկերակցության պատվիրակությանը՝ նախագահ Գարի Ֆիլլիպսի և գործադիր տնօրեն Սերժ Պուչաքճյանի գլխավորությամբ. տեղեկացնում են ՀՀ վարչապետի աշխատակազմից։ Վարչապետը ողջունել է Ամերիկայի Հայ Ավետարանչական ընկերակցության կողմից Հայաստանում իրականացվող հումանիտար բնույթի ծրագրերը և հայտնել Կառավարության աջակցությունը դրանց արդյունավետ կյանքի կոչման գործում: Նիկոլ Փաշինյանին են ներկայացվել սոցիալական, առողջապահական, կրթական, գյուղատնտեսական բնույթի …

Փաշինյանի ուղերձը չեմ կարդացել. ասել է վարչապետի խորհրդականը։

Թուրքիայի նախագահ Ռեջեփ Թայիփ Էրդողանը Հայոց ցեղասպանության տարելիցի կապակցությամբ ցավակցական ուղերձ է հղել Պոլսո Հայոց պատրիարքարանին և հայ համայնքին։ Ուղերձն ընթերցել է Պատրիարքական տեղապահ Հայր Գրիգոր Դամադյանը Սուրբ Վարդանանց եկեղեցում տեղի ունեցած «Սուրբ Նահատակների հիշատակի արարողության» ժամանակ: Նշենք, որ Էրդողանը 2012 թվականից ի վեր ամեն ապրիլի 24-ին ցավակցական ուղերձ է հրապարակում։ «Այս տարի ես հարգում …

Հայաստանի Եվրոպական կուսակցության նախագահ Տիգրան Խզմալյանը թոռան հետ էր եկել Ծիծեռնակաբերդ: Նա լրագրողների հետ ճեպազրույցում ասաց, որ ուխտագնացության են եկել: Խոսելով ցեղասպանության միջազգային ճանաչման վերաբերյալ ՀՀ-ի արտաքին քաղաքական դիրքորոշման մասին` Խզմալյանը շեշտեց, որ կառավարությունները փոխվում են, իսկ ցեղասպանության հարցը մնայուն է: Խզմալյանի խոսքով՝ ցեղասպանության հարցը չի կարող դուրս գալ ազգային օրակարգից: Ըստ նրա` կառավարությունը կարող …

Հունաստանի Ազգային պաշտպանության նախարար Նիկոս Դենդիասն ուղերձ է հղել Հայոց ցեղասպանության 110-րդ տարելիցի կապակցությամբ։ «Խորին հարգանքով մենք հիշատակում ենք Հայոց ցեղասպանության զոհերի հիշատակի օրը։ Հունաստանի ժողովուրդը Հայաստանի ժողովրդի հետ կիսում է հալածանքների և ցեղասպանության ցավը։ Պատմական ճշմարտության ճանաչումը մարդկության պարտականությունն է»,- X-ի իր միկրոբլոգում գրել է Դենդիասը։