07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Սարատովում գազի պայթյունի հետևանքով տասը հարկանի շենքի մի մասը փլուզվել է․ զոհվել է երեք մարդ, այդ թվում՝ երեխա․ ՏԵՍԱՆՅՈՒԹ
Քաղաքականություն
25.07.2025 | 15:55
ՌԴ Սարատով քաղաքում Բլինովա փողոցի բնակելի շենքի մուտքում գազի պայթյուն է տեղի ունեցել, որի հետևանքով շենքի առաջինից մինչև տասներորդ հարկերի մի մասը գրեթե ամբողջությամբ փլուզվել է։ Երեք մարդ զոհվել է, այդ թվում՝ մեկ երեխա, գրում է Meduza-ն։
Բեկորների ընկնելու հետևանքով վիրավորվել են նաև անցորդները։ Բազմահարկ շենքի բնակիչները տարհանվել են հետագա փլուզման սպառնալիքի պատճառով, փլուզված մուտքի փլատակներում դեռևս մարդիկ կան։ Սարատովի մարզի դատախազությունը հայտնել է, որ հետաքննություն է անցկացնում՝ պատահարն անվանելով «գազաօդային խառնուրդի պայթյուն»։
Պայթյունը տեղի է ունեցել մոտավորապես ժամը 11:00-ին:
Քննչական կոմիտեն քրեական գործ է հարուցել անվտանգության պահանջներին չհամապատասխանող ծառայություններ մատուցելու հոդվածով։
Հաղորդվում է, որ բազմաբնակարան շենքը, որտեղ տեղի է ունեցել պայթյունը, կառուցվել է 2009 թվականին՝ խորհրդային տիպիկ նախագծի համաձայն։ Շենքն ունի հինգ մուտք և 193 բնակարան։ Նշվում է հետագա փլուզումների վտանգի մասին։
Թարգմանությունը՝ Էմմա Չոբանյանի
