16.03.2026 | 19:19
Քննարկվել են տարբեր ոլորտների վերաբերյալ միջազգային վարկանիշային զեկույցներում Հայաստանի դիրքերի հետագա բարելավման քայլերը
Թեհրանը հայտարարում է, որ ԱՄՆ-ի և Իսրայելի պատերազմին չմասնակցող երկրների նավերը կարող են անցնել Հորմուզի նեղուցով
Քաղաքականություն
16.03.2026 | 16:37
Իրանի արտգործնախարար Աբբաս Արաղչին հայտարարել է, որ Իրանը հրադադարի խնդրանք չի ներկայացրել և ցանկանում է ապահովել, որ Իսրայելի և ԱՄՆ-ի հետ պատերազմի ցանկացած ավարտ վերջնական լինի, գրում է France 24-ը։
Ըստ Արաղչիի՝ Հորմուզի նեղուցը փակ է միայն «թշնամիների և նրանց ագրեսիան աջակցողների» համար։
Նա, միաժամանակ, ընդգծել է, որ Իրանի դեմ ԱՄՆ-ի և Իսրայելի պատերազմին չմասնակցող պետությունները կարողացել են իրենց նավերն անցկացնել նեղուցով՝ Իրանի զինված ուժերի համակարգմամբ և թույլտվությամբ։
ԱՄՆ նախագահ Դոնալդ Թրամփն աշխատում է Հորմուզի նեղուցը վերաբացելու համար երկրների կոալիցիա ստեղծելու ուղղությամբ և հույս ունի այդ մասին հայտարարել այս շաբաթ ուշ, Axios-ին հայտնել են չորս աղբյուրներ: Թրամփը հույս է հայտնել, որ Չինաստանը, Ֆրանսիան, Ճապոնիան, Հարավային Կորեան, Միացյալ Թագավորությունը և այլ երկրներ ռազմանավեր կուղարկեն Հորմուզի նեղուց՝ նավերի անվտանգ անցումն ապահովելու համար։
Թրամփը հայտարարում էր, թե Իրանի կողմից Հորմուզի նեղուցը փակելու փորձից տուժած շատ երկրներ իրենց ռազմանավերը կուղարկեն Միացյալ Նահանգների հետ միասին, սակայն չի նշել՝ արդյո՞ք կոնկրետ համաձայնագիր կնքվել է կամ ում հետ։
Թարգմանությունը՝ Էմմա Չոբանյանի
