24.02.2026 | 23:18
ԵՄ-ն Ուկրաինային 90 մլրդ եվրո վարկ կտրամադրի՝ չնայած Հունգարիայի վետոյին
Ադրբեջանական սփյուռքի կազմակերպության ղեկավարը զրկվել է Ռուսաստանի քաղաքացիությունից
Քաղաքականություն
24.02.2026 | 17:00
«Իվանովոյի մարզի ադրբեջանցիների ազգային-մշակութային ինքնավարություն» տարածաշրջանային հասարակական կազմակերպության նախագահ և գործարար Ասիֆ Մամեդովը զրկվել է Ռուսաստանի քաղաքացիությունից ԱԴԾ-ի կողմից՝ «ազգային անվտանգությանը սպառնացող գործունեության համար», գրում են ադրբեջանական լրատվամիջոցները։
Մամեդովը ղեկավար պաշտոններ է զբաղեցնում ադրբեջանական երկու հասարակական կազմակերպություններում՝ «Իվանովո քաղաքի ադրբեջանցիների ազգային-մշակութային ինքնավարություն» և «Իվանովոյի մարզի ադրբեջանցիների ազգային-մշակութային ինքնավարություն»։
Ասիֆ Մամեդովը «Եդինայա Ռոսիա»-ի պատգամավորի թեկնածու էր Իվանովոյի մարզում, սակայն ազգայնականների քննադատությունից հետո հրաժարվեց թեկնածությունից։ Նրա դեմ անմիջապես արշավ էր սկսվել՝ Մամեդովը «չի կարողանում ռուսերեն երկու բառ ասել», նախկինում «շնորհակալական նամակ էր ուղարկել Ադրբեջանի նախագահին» և նման այլ նարատիվներով։ Նշվում էր, որ այն համատեքստում, երբ Բաքուն «բացահայտ հակառուսական քաղաքականություն է վարում», Իվանովոյի «մաքուր ռուսական երկրամասից» էթնիկ ադրբեջանցու առաջադրումը որպես խորհրդարանի պատգամավորի թեկնածու անընդունելի է։
Կուսակցությունը հետ էր կանչել Մամեդովի թեկնածությունը՝ նշելով, որ դա «պատասխան է հասարակական դժգոհությանը»։ Ասիֆ Մամեդովը հայտնի գործարար և Իվանովոյի մարզի ադրբեջանական սփյուռքի առաջնորդ Սարաֆ Մամեդովի եղբայրն է, որը մահացել է 2020 թվականին 55 տարեկանում: Ընտանիքի մեկ այլ անդամ՝ Ռուսլան Մամեդովը, ներկայումս Իվանովոյի Դումայի անդամ է, սակայն այս անգամ նա չի առաջադրվել վերընտրվելու համար և շուտով կկորցնի իր տեղը: Ասիֆ Մամեդովը պատրաստվում էր փոխարինել նրան, բայց «լայն հասարակական բողոքից» հետո ստիպված է եղել հանել իր թեկնածությունը:
Թարգմանությունը՝ Էմմա Չոբանյանի
