25.04.2026 | 16:31
Ես դատում եմ և պատրաստ եմ այդ նույն դատով դատվել․ Փաշինյանը՝ քաղաքացուն․ ՏԵՍԱՆՅՈւԹ
Կիևը հայտնում է Ռուսաստանի և ԱՄՆ-ի հետ բանակցությունների նոր փուլի ամսաթիվը՝ փետրվարի 26-27-ը
Քաղաքականություն
23.02.2026 | 21:54
Ուկրաինայի նախագահի աշխատակազմի ղեկավար Կիրիլ Բուդանովը հայտարարել է, որ փետրվարի 26-27-ը նախատեսված է Ռուսաստանի և ԱՄՆ-ի հետ բանակցությունների նոր փուլ, հաղորդում է ՌԲԿ Ուկրաինան։ Նա, սակայն, ընդգծել է, որ ճշգրիտ ամսաթիվը դեռևս հաստատված չէ, գրում է Meduza-ն։
«Մենք այժմ նախապատրաստական գործընթացում ենք։ Սա արարողակարգային հարց է, հասկանո՞ւմ եք։ Երբ, ով կգա և այլն։ Երեք կողմերն էլ պետք է միմյանց միջև համաձայնության գան այս հարցի շուրջ։ Չորս կողմերը, ըստ էության, ներառում է նաև հյուրընկալող կողմին», – լրագրողներին ասել է Բուդանովը։
Փետրվարի 22-ին ռուսական պետական ՏԱՍՍ լրատվական գործակալությունը, հղում անելով իր աղբյուրին, հայտնել էր, որ Ռուսաստանի, Ուկրաինայի և Միացյալ Նահանգների միջև բանակցությունները կարող են վերսկսվել Ժնևում փետրվարի 26-ին։
Բուդանովը նշել է, որ դեռևս մանրամասներ չկան Ուկրաինայի և Ռուսաստանի նախագահների հնարավոր հանդիպման վերաբերյալ։ «Մենք բարձրացրել ենք այս հարցը», – ասել է նա՝ հավելելով, որ ռուսական կողմը դեռևս վերջնական պատասխան չի տվել։
Տարվա սկզբից ի վեր Ռուսաստանը և Ուկրաինան մի քանի փուլով բանակցել են ԱՄՆ-ի մասնակցությամբ։ Փետրվարի 17-18-ը Ժնևում կայացած վերջին փուլից հետո Վլադիմիր Զելենսկին հայտարարեց, որ իր թիմին հանձնարարել է «բարձրացնել» Վլադիմիր Պուտինի հետ իր հանդիպման հարցը։ ԱՄՆ նախագահի հատուկ դեսպան Սթիվ Ուիթկոֆը փետրվարի 22-ին հայտարարեց, որ Պուտինի և Զելենսկիի միջև հանդիպման մասին կարող է համաձայնեցվել ԱՄՆ միջնորդությամբ հաջորդ երեք շաբաթվա ընթացքում։
Թարգմանությունը՝ Էմմա Չոբանյանի
