Մայրաքաղաքում փոսալցում իրականացնող ընկերություններից մեկը փոխկապակցված է Ռոբերտ Քոչարյանի հետ

Տնտեսություն

18.02.2026 | 16:22

Լուրեր

22.04.2026 | 23:30

ՀՀ տարածքում ավտոճանապարհները հիմնականում անցանելի են

22.04.2026 | 23:13

Լիբանանում «Հըզբոլլահ»-ի հարձակման հետևանքով երկրորդ ֆրանսիացի խաղաղապահն է զոհվել

22.04.2026 | 22:59

Բազեյանն ու Հարությունյանը զրկվեցին հաղթանակից. Հայաստանի բռնցքամարտի ֆեդերացիան ահազանգում է խայտառակ մրցավարության մասին

22.04.2026 | 22:45

Թուրք լրագրողի համար դատախազությունը պատիժ է պահանջում` հայ երիտասարդների հետ Ցեղասպանության հետ կապված զրույցի համար

22.04.2026 | 22:33

Ովքեր են ԱԺԲ-ի ցանկում. հրապարակվել է ընտրությունների ընտրական ցուցակը

22.04.2026 | 22:17

Հայաստանի մի շարք հասցեներում էլեկտրաէներգիայի անջատումներ կլինեն

22.04.2026 | 22:05

Թրամփը հայտարարել է, որ Իրանի հետ բանակցությունները, հնարավոր է, վերսկսվեն արդեն այս ուրբաթ

22.04.2026 | 21:53

ԱՄՆ-ն իր քաղաքացիներին կոչ է անում նաև Հայաստանով հեռանալ Իրանից

22.04.2026 | 21:44

Ապրիլի 24-ին կկազմակերպվի այցելուների անվճար փոխադրում Ծիծեռնակաբերդի հուշահամալիր

22.04.2026 | 21:30

Քոչարյանը, Կարապետյանը, Ծառուկյանը պիտի քննադատեին Պուտինին․ նա միջամտեց ՀՀ ներքին գործերին, լռելով՝ կորուստ են ունենում․ Ստեփան Գրիգորյան․ ՏԵՍԱՆՅՈՒԹ

22.04.2026 | 21:21

Բրիտանիայում 2008 թվականից հետո ծնվածների համար ծխելու արգելքի մասին օրինագիծ է ընդունվել

22.04.2026 | 21:16

Ըմբշամարտի ԵԱ․ Սլավիկ Գալստյանը և Գասպար Տերտերյանը՝ բրոնզե մեդալակիրներ. ՏԵՍԱՆՅՈՒԹ

22.04.2026 | 21:15

ՀՀ-ի և Ղրղզստանի նախագահները քննարկել են տնտեսական կապերի ակտիվացումն ու ուղիղ չվերթների հնարավորությունը

22.04.2026 | 21:01

Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր

22.04.2026 | 20:59

Robust Armenia 2026․ Բիզնեսը բնության դե՞մ է, թե՞ կողքին. ՏԵՍԱՆՅՈՒԹ

Բոլորը

Մայրաքաղաքում փոսալցման աշխատանքներ են իրականացվում․ գոյացած խոշոր փոսերին տեղային լուծումներ են տրվում։ Երևանի քաղաքապետարանից մեր հարցին ի պատասխան հայտնել են, որ փոսալցումն իրականացվում է 5 ընկերության կողմից։

Factor TV-ին հայտնի է դարձել, որ այդ ընկերություններից մեկը՝ «ՎԱՍՊՈՒՐԱԿԱՆԻ ՃՇՇ»-ն փոխկապակցված է Ռոբերտ Քոչարյանի հետ։ Այս ընկերության սեփականատերն ու գործադիր մարմնի ղեկավարը Սարգիս Աբովյանն է։

Մեր ուսումնասիրությամբ պարզ դարձավ, որ Սարգիս Աբովյանը 2011-2014 թվականներին զբաղեցրել է «ԼԵՈՊՈԼԴ ԵՎ ԸՆԿԵՐՆԵՐ» ՍՊԸ-ի գործադիր տնօրենի պաշտոնը, իսկ այդ ընկերության 100 տոկոս բաժնեմասի սեփականատերը 2011-2022 թվականներին՝ այսինքն հիմնադրման պահից եղել է Ռոբերտ Քոչարյանի խնամի Վոլոդյա Բադալյանի եղբորորդին՝ Արմեն Բադալյանը։ Նա 2014-2022 թվականներին նաև գործադիր մարմնի ղեկավարն է եղել։

Հիշեցնենք՝ ավելի վաղ գրել էինք, որ Երևանում 2025-ին փոսանորոգման աշխատանքներ է իրականացրել ՀՀԿ նախկին պատգամավոր, Ռոբերտ Քոչարյանի խնամի Վոլոդյա Բադալյանի եղբորորդուն՝ Արմեն Բադալյանին պատկանող «ԱԱԲ պրոեկտ» ընկերությունը։ Այդ աշխատանքների կատարման պայմանագրի արժեքը 2 միլիոն 836 հազար դոլար էր։ Երևանի քաղաքապետի մամուլի քարտուղար Արտյոմ Կարապետյանը մեր հարցին ի պատասխան հայտնել էր, որ ներկայում մայրաքաղաքում փոսալցում իրականացնող 5 ընկերությունների ցանկում ներառված չէ «ԱԱԲ պրոեկտ» ընկերությունը։ Մենք պարզել ենք, որ «ԱԱԲ պրոեկտ» ընկերության թույլ տված խախտումների համար նախկինում քրեական գործ է հարուցվել, իսկ «Կոմպաս» ՀԿ-ն դեռ 2019-ին այդ ընկերության շինաշխատանքներում լուրջ անվտանգային խնդիրներ էր արձանագրել էր։ Բայց այս հանգամանքը չի խանգարել քաղաքապետարանին 1 միլիարդ 84 միլիոն դրամի պայմանագիր կնքել։

Ով է իրականացրել փոսային նորոգումը․ քրգործի ու 2 մլն 836 հազար դոլարի հետքերով. ՏԵՍԱՆՅՈՒԹ

Ըստ քաղաքապետի մամուլի քարտուղարի Արտյոմ Կարապետյանի՝ «ԱԱԲ պրոեկտ» ընկերության պայմանագրի ժամկետը լրացել է, սակայն երաշխիքային պարտավորությունները դեռ պահպանվում են։ Սա ենթադրում է, որ եթե պարզվի, որ այդ ընկերությունը 2025-ին անորակ աշխատանքներ է իրականացրել, կպարտավորվի առանց գումարի՝ այսինքն երաշխիքի պայմանագրի շրջանակում, շտկել աշխատանքները՝ նոր փոսանորոգում անելով։ Բայց ինչպե՞ս պետք է պարզվի՝ քաղաքապետարանում այս հարցի պատասխանը չունեն։

Արփի Հակոբյան