28.10.2026 | 15:10
ԱԺ-ն վավերացրեց TRIPP-ի համաձայնագիրը // Միրզոյանը ՀԱՊԿ Հայաստանի վերադարձ չի տեսնում․ ԼՈՒՐԵՐ
Բեյջը կարող է օգտագործել միայն այն անձը, ում տրված է. ՀՖՖ-ն մեկնաբանել է լրագրողների հետ կապված միջադեպը
Հասարակություն
05.09.2025 | 22:41
ՀՖՖ-ն հայտարարություն է տարածել՝ անդրադառնալով այսօր Հայաստանի և Պորտուգալիայի հավաքականների նախախաղային մարզումների ժամանակ արձանագրված միջադեպին։
«Այսօր՝ Հայաստանի և Պորտուգալիայի հավաքականների նախախաղային մարզումների ժամանակ, արձանագրվել են դեպքեր, երբ լրագրողներն իրենց բեյջերը տրամադրել են այլ՝ մեդիայի հետ առնչություն չունեցող մարդկանց, երբ փորձել են մարզմանը ներկայանալ նախկինում տրամադրված բեյջերով…
Այս ոչ պրոֆեսիոնալ պահվածքի հետևանքով ոստիկանության ներկայացուցիչները ստիպված խստացրել են հսկողությունը, դա էլ հանգեցրել է այլ լրագրողների դժգոհությանը:
Հարգելի՛ գործընկերներ, հորդորում ենք վաղը՝ Հայաստան-Պորտուգալիա խաղին, չկրկնել այսօրվա փորձերը, հարգել միմյանց աշխատանքը և հիշել, որ ԲԵՅՋԸ ԿԱՐՈՂ Է ՕԳՏԱԳՈՐԾԵԼ ՄԻԱՅՆ ԱՅՆ ԱՆՁԸ, ՈւՄ ԱՅՆ ՏՐՎԱԾ Է»,- ասված է հայտարարությունում:
Ավելի վաղ տեղեկացրել էինք, որ սեպտեմբերի 6-ին կայանալիք Հայաստան-Պորտուգալիա խաղից առաջ ԶԼՄ ներկայացուցիչներին սպասվում էր տհաճ անակնկալ․ նրանցից շատերը չկարողացան մուտք գործել ՀՖՖ Տեխնիկական կենտրոն/Ֆուտբոլի ակադեմիա, որտեղ անցկացվում էին հավաքականների նախախաղային մարզումները։
