23.06.2026 | 13:53
Չեղարկվել է Երևան-Գյումրի էլեկտրագնացքի մեկնումը Դալարիկ կայարանի մոտ տեղի ունեցած վթարի պատճառով
Իրանի ԱԳՆ-ն՝ Բաքվում COP29-ին Իսրայելի պատվիրակության մասնակցության մասին
Քաղաքականություն
18.11.2024 | 17:10
Ռեժիմը, որը չի հավատում ՄԱԿ-ի սկզբունքներին ու նպատակներին, նրա գոյությունն էլ նշանակում է հարձակում ազգի վրա, արժանի չէ մասնակցելու միջազգային համաժողովներին։ Այս մասին հայտարարել է Իրանի ԱԳՆ խոսնակ Էսմայիլ Բաղային ի պատասխան IRNA-ի՝ COP29-ի գագաթնաժողովին Բաքվում իսրայելական պատվիրակության ներկայության վերաբերյալ հարցին։
«Իսլամական համագործակցության կազմակերպության մակարդակով սիոնիստական ռեժիմի ներկայությանը հակազդելու նախաձեռնություններ են սկսվել, և դա ցույց է տալիս, որ միջազգային հանրությունը եկել է այն եզրակացության, որ այս ռեժիմն արժանի չէ միջազգային հանդիպումներին մասնակցելու»,- հավելել է նա։
Բաղային նշել է, թե «ՄԱԿ-ի մարդու իրավունքների զեկուցողը երկրներից պահանջել է հավաքականորեն արգելել սիոնիստական ռեժիմին՝ անդամակցել ՄԱԿ-ին, և նույն տրամաբանությամբ՝ այդ ռեժիմի ներկայությունը միջազգային հարթակներում, որտեղ քննարկվում են միջազգային խնդիրներ, պետք է քննարկվի»։
Իրանի ԱԳՆ խոսնակն ասել է, որ Թեհրանը ողջունում է մյուս երկրներին, որոնք միանում են այդ արշավին։
Հիշեցնենք՝ թուրքական կողմը COP29-ին մասնակցելու մեկնող Իսրայելի նախագահ Իցհակ Հերցոգի թռիչքն իր օդային տարածքով արգելափակել էր, որի պատճառով նրա այցը Բաքու չեղարկվել էր։ COP29-ին Իսրայելը ներկայացնում են մի շարք նախարարներ։
Հավելենք, որ Իրանի նախագահ Մասուդ Փեզեշքիանը նույնպես չի մեկնել Բաքու՝ կլիմայական գագաթնաժողովին։ Ադրբեջան է մեկնել Իրանի փոխնախագահ Շինա Անսարին։
Թարգմանությունը՝ Էմմա Չոբանյանի
