13.01.2026 | 11:44
Խոշոր ավտովթար՝ Հերացի փողոցում․ բախվել է 4 ավտոմեքենա, կան տուժածներ
Անկարան հաստատում է․ Թուրքիան արգելափակել է COP29-ին մասնակցելու մեկնող Իսրայելի նախագահի թռիչքը
Քաղաքականություն
18.11.2024 | 11:14
Թուրքիան փաստացի խոչընդոտել է Իսրայելի նախագահ Իսահակ Հերցոգի մասնակցությանը COP29 գագաթնաժողովին՝ արգելափակելով նրա ինքնաթիռի թռիչքը Թուրքիայի օդային տարածքի վրայով: Այս մասին Al-Monitor-ին հաստատել են թուրքական պաշտոնական աղբյուրները։
Իսրայելից Բաքու թռիչք իրականացնելու համար ինքնաթիռը պետք է անցնի կա՛մ Իրանի, կա՛մ Թուրքիայի օդային տարածքով։
Թուրքական պետական լրատվամիջոցները (TRT, Anadolu) հաստատում են, որ Անկարան է արգելափակել Իսրայելի նախագահի թռիչքը։ Նշվում է, որ Իսրայելի իշխանությունները ցանկացել են օգտագործել Թուրքիայի օդային տարածքը Հերցոգի ինքնաթիռի համար, սակայն թուրքական կողմից մերժում են ստացել։ Ադրբեջանական իշխանամերձ Caliber.Az-ը գրել է, որ Ադրբեջանի ԱԳՆ բարձրաստիճան աղբյուրից հայտնի է դարձել Իսրայելի նախագահ Իսահակ Հերցոգի՝ Ադրբեջան չժամանելու իրական պատճառը։ Եվ դա ամենևին էլ անվտանգության խնդիր չէ։
«Ինչպես մեզ հայտնի է դարձել, Թուրքիան արգելք է դրել Իսրայելի նախագահի ինքնաթիռի կողմից իր օդային տարածքի օգտագործման վրա։ Ցավոք, մի քանի օր շարունակվող ինտենսիվ բանակցությունները դիվանագիտական խողովակներով չեն տվել արդյունք»,- գրել էր լրատվամիջոցը։
Հերցոգի այցը Բաքու նախատեսված էր նոյեմբերի 19-։ Նոյեմբերի 16-ին Իսրայելի նախագահի գրասենյակը հայտնել էր, որ «իրավիճակը գնահատելուց հետո և անվտանգության նկատառումներից ելնելով, նախագահը որոշել է չեղարկել իր այցը Ադրբեջանում կայանալիք կլիմայական համաժողովին»: COP29-ին մասնակցում են իսրայելցի մի շարք նախարարներ, որոնք ընտրել են այլընտրանքային երթուղիներ Վրաստանի տարածքով՝ օգտագործելով կոմերցիոն թռիչքները:
Էմմա Չոբանյան
