29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Ի՞նչ պետք է չանեն կուսակցություններն ու դաշինքները՝ պատժամիջոցների տակ չհայտնվելու համար․ Դանիել Իոաննիսյանը՝ բարեգործության և ընտրակաշառքի մասին․ ՏԵՍԱՆՅՈՒԹ
Քաղաքականություն
04.09.2018 | 15:59
Ընտրական օրենսգրքի փոփոխությանն ուղղված աշխատանքները շարունակվում են արդեն երեք ամիս, սակայն այդ ժամանակահատվածը բավարար չէր Երևանի ավագանու ընտրությունները նոր օրենսգրքով անցկացնելու համար, ուստի թեև սեպտեմբերի 23-ի ավագանու ընտրությունները կանցկացվեն հին Ընտրական օրենսգրքով, սակայն ընտրակաշառքի ու, առհասարակ, ընտրախախտումների դեմ պայքարելու համար փոփոխություններ են իրականացվել Քրեական դատավարության մասին օրենսգրքում։
Այս մասին այսօր կազմակերպված քննարկման ժամանակ ասաց «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանը՝ նշելով, որ առաջարկվող փոփոխությունները պատրաստվում են ներկայացնել Ազգային ժողով։
«Փոփոխություններից մեկը վերաբերում է ընտրությունների ժամանակ բարեգործության արգելքի խախտումը քրեականացնելուն, ինչը նախկինում վարչական իրավախախտում էր համարվում, որը անհնար էր դարձնում դրա բացահայտումը, ուստի այն պետք է համարվի Քրեական օրենսգրքով արգելված արարք։ Օրինակ՝ եթե կուսակցությունն իր ակտիվիստների համար շապիկներ պատվիրի կուսակցության լոգոյով, արգելված դա չի լինի, իսկ եթե անի թանկարժեք նվերներ, ապա այն կենթարկվի արգելքի։ Հաջորդը վերաբերում է մի շարք ընտրական հանցագործությունների վերաբերյալ պատժամիջոցների խստացմանը․ սանկցիաները նույնը կմնան այն դեպքում, երբ խախտումը կատարվել է մեկ քաղաքացու կողմից, սակայն էականորեն պատիժը կխստանա, եթե այն կատարվել է մի խումբ անձանց կողմից»,- ասաց Դանիել Իոաննիսյանը՝ ընդգծելով, որ առաջարկվող փոփոխություններով կհեշտանա նաև ընտրախախտում արձանագրելու պարագայում դատարան դիմելու կարգը։
Մանրամասները՝ տեսանյութում:
