16.12.2025 | 13:33
Արման Ծառուկյանի մրցակիցը փոխվել է
«Մենք Ռոբերտ Քոչարյանին անվերապահ չենք աջակցում». Արմեն Ռուստամյան․ ՏԵՍԱՆՅՈՒԹ
Քաղաքականություն
28.08.2018 | 14:39
Մենք անվերապահ որևէ մեկին չենք աջակցել և չենք էլ պատրաստվում աջակցել, ընդհանրապես, կուռքեր չկան, ուստի անվերապահ որևէ մեկին պաշտպանել խորհուրդ չեմ տալիս։
Այսօր Ազգային ժողովում լրագրողների հետ զրույցում ասաց ԱԺ ՀՅԴ խմբակցության ղեկավար Արմեն Ռուստամյանը՝ պատասխանելով հարցին՝ ինչո՞վ է պայմանավորված իր կուսակիցների՝ Ռոբերտ Քոչարյանին անվերապահորեն պաշտպանելու պատրաստակամությունը։
«Դատարանը մեղավոր կճանաչի, ամենախիստ պատիժը կտա, թող տա, կվերջանա հարցը, բայց պետք չէ դատարանից առաջ անցնել։ Էդպես կարելի է ցանկացածին դատել, այս մեկը դուրս չգա և ինչ մեղադրանք ասես կարող են ներկայացնել»,- ասաց Արմեն Ռուստամյանը։
Հարցին՝ արդյոք պատրաստվում են համագործակցել Ռ. Քոչարյանի հետ, պատգամավորը պատասխանեց․ «Մենք կարող ենք համահամագործակցել ցանկացած անձի հետ, ով կիսում է մեր մոտեցումներն ու մտահոգությունները, ով ուզում է լինի, թե չէ հակառակը, որ լիներ, մենք ՀԱԿ-ի հետ միասին քառյակ չպետք է կազմեինք։ Մենք Լևոն Տեր-Պետրոսյանին ընդունել ենք մեր Գերագույն մարմին, մենք համարել ենք, որ ճիշտը դա է և մեր երկրում թշնամիներ չպետք է ունենանք»։
Մանրամասները՝ տեսանյութում։
