25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
«Ասել ենք՝ մոռացե՛ք կարգավորման մասին, եթե չհեռացնեք այն»․ Չավուշօղլուն սպառնացել է Երևանում տեղադրված հուշակոթողի առնչությամբ
Քաղաքականություն
08.05.2023 | 16:38
Թուրքիայի ԱԳ նախարար Մևլութ Չավուշօղլուն շարունակում է Հայաստանին սպառնալ Երևանում «Նեմեսիս» գործողությանը նվիրված հուշակոթողի տեղադրման կապակցությամբ։ Մասնավորապես, տեղական Lider TV-ի հետ հարցազրույցում նա հայտարարել է, որ Թուրքիան այլ քայլեր ևս կձեռնարկի բացի հայկական ինքնաթիռների համար օդային տարածքը փակելուց։
Չավուշօղլուն հայտարարել է, որ Թուրքիան քայլեր է ձեռնարկել Հայաստանի հետ հարաբերությունների կարգավորման ուղղությամբ, սակայն «Երևանը ցույց է տվել իր ոչ անկեղծ լինելն ու տեղադրել է հուշարձանը»։
«Այդ շրջանում մենք նախապայման չենք դրել, այսպես ասած, ցեղասպանության հետ կապված, և նրանք չեն դրել․ մենք չենք կարող այդ հարցի շուրջ համաձայնության գալ, դրա համար այն դրել ենք փակագծերում, սակայն արձանի տեղադրումը մեզ համար անընդունելի է։ Նրանք ասում են, որ այն դրել է քաղաքապետարանը, և չեն կարող այդ հարցին խառնվել։ Մենք էլ նրանց ասել ենք՝ մոռացե՛ք կարգավորման մասին, եթե չհեռացեք այն»,- ասել է Չավուշօղլուն։
Նա նշել է, որ այդ թեմայով ուղերձներ են փոխանցվել հատւկ բանագնացի միջոցով, ինչպես նաև այլ ուղիներով։ Չավուշօղլուն նաև ասել է, որ Անկարան այլ միջոցներ էլ է ձեռնարկելու, սակայն չի մանրամասնել, թե ինչի մասին է խոսքը։ Ըստ նրա՝ այդ միջոցները ներկայացվելու են նախագահ Էրդողանի հավանությանը։
Էմմա Չոբանյան
