Առաջինը Գառնիկ Դավթյանը հարվածեց Տարոն Չախոյանին․ Ռուբինյանը՝ ԱԺ-ում ծեծկռտուքի մասին․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ազգային ժողովի նիստերի դահլիճում տեղի ունեցածից և հայտարարված ընդմիջումից հետո ՀՀ ԱԺ նախագահ Ռուբեն Ռուբինյանն անդրադարձավ խորհրդարանում տեղի ունեցած ծեծկռտուքին և ներկայացրեց միջադեպի վերաբերյալ իր գնահատականը։

Ռուբինյանը հայտնեց, որ ընդմիջման ընթացքում ուսումնասիրել է միջադեպի տեսագրությունները և, իր խոսքով, Տարոն Չախոյանի ելույթում որևէ վիրավորական արտահայտություն չի եղել։

«Պարոն Չախոյանը իր ելույթում չի օգտագործել գեթ մեկ վիրավորական բառ, զրո՛։ Լրիվ նորմալ ելույթ էր ունենում։ Դուք, պարո՛ն Կարապետյան, չեք տիրապետել Ձեզ, Ձեր էմոցիաներին, տեղից վեր եք, նախ սկսել եք վիրավորել պարոն Չախոյանին, հետո վեր եք կացել տեղից՝ փորձելով հարվածել Տարոն Չախոյանին»,- հայտարարեց Ռուբինյանը։

Նա նաև նշեց, որ իր ուսումնասիրած տեսագրությունների համաձայն՝ ծեծկռտուքի ընթացքում առաջին հարվածը հասցրել է Գառնիկ Դավթյանը՝ Տարոն Չախոյանին։

«Դրանից հետո, երբ որ սկսվեց ծեծկռտուքը, հատուկ նայել եմ, առաջին հարվածը հասցրել է Գառնիկ Դավթյանը Տարոն Չախոյանին»,- ասաց ԱԺ նախագահը։

Ռուբինյանն անդրադարձավ նաև ընդդիմադիրների այն քննադատությանը, թե անվտանգության աշխատակիցները միջադեպին ուշ են արձագանքել։ Նա պնդեց, որ անվտանգության ծառայությանը կանչել է ծեծկռտուքի սկսվելու պահին։

«Նախ ես հենց ծեծկռտուքը սկսել է, կանչել եմ անվտանգության աշխատակիցներին, և երկրորդը՝ համաձայնեք, մի փոքր տարօրինակ է սկսել ծեծկռտուք, հետո Ազգային ժողովի նախագահից բողոքել, թե ինչու ուշ հրավիրեց անվտանգության աշխատակիցներին։ Չսկսե՛ք ծեծկռտուք, որ նման իրավիճակներում չհայտնվեք»,- հայտարարեց նա։

Ռուբինյանը հիշեցրեց նաև խորհրդարանում բարեկրթության կանոններ պահպանելու վերաբերյալ իր նախկին կոչը՝ նշելով, որ դրանց չպահպանման դեպքում հակադարձ արձագանքը ավելի կոշտ է լինելու։

«Մենք առաջարկում ենք բարեկրթության կանոն․ կպահեք՝ կլինենք բարեկիրթ, չեք պահի՝ կստանաք 10, 20, 30, 40, 60 անգամ ավել։ Ու ստացաք, Աստված վկա, դուք ստացաք»,- ասաց նա։

ԱԺ նախագահը հայտնեց նաև, որ իրեն տեղեկություն է փոխանցվել խորհրդարանի միջանցքում տեղի ունեցած մեկ այլ միջադեպի մասին։ Նրա խոսքով՝ իրեն հայտնել են, որ «Ուժեղ Հայաստան» խմբակցության պատգամավորների օգնականները հարձակվել են պատգամավորների վրա։

Ռուբինյանը շեշտեց, որ այդ տեղեկությունը դեռ պետք է ստուգվի։

«Պնդում չեմ անում, պետք է ստուգեմ, հանձնարարել եմ, որ ստուգեն։ Եթե հաստատվեց, այդ օգնականները անմիջապես դուրս են շպրտվելու Ազգային ժողովից, և իրենց մուտքը արգելվելու է Ազգային ժողով»,- հայտարարեց նա։

Դրանից հետո նիստը նախագահող Ռուբեն Ռուբինյանը խոսքը փոխանցեց Տարոն Չախոյանին՝ ելույթը շարունակելու համար։

Մանրամասները՝ տեսանյութում։

Եվգենյա Համբարձումյան